އެސް. އެމް. އީ ޑިވެލޮޕްމަންޓް ފައިނޭންސް ކޯޕަރޭޝަން ޕްރައިވެޓް ލިމިޓެޑްގެ މެނޭޖިންގ ޑިރެކްޓަރުކަމުގެ މަޤާމުގައި ހުންނެވި ޢާއިޝަތު ފިފްޝީން މަޤާމުން ވަކިކޮށްފިއެވެ.

ސަރުކާރު ކުންފުނިތަކުގެ ބަލަދުވެރިފަރާތް ޕީސީބީން މިއަދު މިކަން ހާމަކޮށްފައިވަނީ އެކްސްގއި ކުރި ޕޯސްޓެއްގައެވެ. ޕީސީބީން ބުނީ އެސްޑީއެފްސީގެ މެނޭޖިންގ ޑިރެކްޓަރުކަމުގެ މަޤާމުން މިއަދުން ފެށިގެން ފިފްޝީން ވަކިކޮށްފައިވާކަމަށެވެ. ނަމަވެސް ވަކިކުރި ސަބަބެއް ޕީސީބީއަކުން ބުނެފައެއް ނުވެއެވެ.

އެސްޑީއެފްސީގެ އެމްޑީ މަޤާމުން މިއަދު ވަކިކޮށްފައިވައިރު، ޕީސީބީން އަންނަނީ ސަރުކާރު ހިއްސާވާ ކުންފުނިތަކުގެ ބޯޑަށް ބަދަލުތަކެއް ގެންނަމުންނެވެ. މިގޮތުން މިފަހުން އެސްޓީއޯގެ ބޯޑަށް އާއިޝަތު ފަޒީނާ އައްޔަނުކުރިއިރު، އެމްޕީއެލްގެ ބޯޑް ޝިޔާމް އިބްރާހިމް ވަނީ މިދިޔަ ހަފްތާގައި ވަކިކޮށްފައެވެ.

މީގެ އިތުރުން އެޗްޑީސީއާ މިފްކޯގެ ބޯޑަށްވެސް ވަނީ މިމަހުގެ ތެރޭގައި ބަދަލުތަކެއް ގެނެސްފައެވެ.