ރަމަޟާންމަހުގެ ފަހު ދިހައަކާއި، ފިތުރު އީދާ ގުޅިގެން ސަރުކާރު ބަންދުކުރާ މުއްދަތުގެ ތެރޭގައި ތިން ދުވަހު މަރުކަޒީ ބޭންކުން ހިދުމަތް ދިނުމަށް ނިންމާފައިވާކަމަށް އެ ބޭންކުން ބުނެފިއެވެ.
މޯލްޑިވްސް މަނިޓަރީ އޮތޯރިޓީ އެމްއެމްއޭއިން މިއަދު ބުނީ، 1446 ވަނަ އަހަަރުގެ ރަމަޟާންމަހުގެ ފަހު ދިހައިގެ ދުވަސްތަކާއި އަދި ފިތުރު އީދުގެ ދުވަސްތަކާ ގުޅިގެން އޭޕްރިލްމަހުގެ 3 ވަނަ ދުވަހާ ހަމައަށް ސަރުކާރު ބަންދުވުމާ ގުޅިގެން، އެ ބޭންކުން ތިން ދުވަހު ހިދުމަތް ދިނުމަށް ނިންމާފައިވާކަމަށެވެ.
އެމްއެމްއޭއިން މިގޮތަށް ނިންމީ ބަންދާ ދިމާކޮށް ރައްޔިތުންނަށާއި ވިޔަފާރިތަކަށް ދަތިނުވާނޭހެން އެ ބޭންކުގެ ހިދުމަތްތައް ދިނުމުގެ ބޭނުމުގައެވެ.
އެމްއެމްއޭއިން ކުރިން ނިންމާފައި އޮތީ މާރިޗު މަހުގެ 27 އަދި 29 ވަނަ ދުވަހު ބޭންކު ހުޅުވުމަށެވެ. ނަމަވެސް މިއަދު ގެނައި ބަދަލާއެކު މާރިޗްމަހުގެ 20 ވަނަ ދުވަހުވެސް މަރުކަޒީ ބޭންކު ހުޅުވައި ހިދުމަތްދޭނޭކަމަށް އެ ބޭންކުން ބުނެއެވެ.
އެމްއެމްއޭއިން އެ 3 ދުވަހު ބޭންކިން ހިދުމަތް ދިނުމަށް ހަމަޖެހިފައިވަނީ، ހެނދުނު 09:30 ހުން 12:00 ގެ ނިޔަލަށެވެ. އެވަގުތުތަކުގައި ސިޓީ ބަލައިގަތުމުގެ ކަންކަންވެސް ކުރިއަށްގެންދާނޭކަމަށް އެމްއެމްއޭއިން ބުނެއެވެ.
Advertisement
This content is created and paid for by advertisers and does not involve Voice Journalists
