ރާއްޖޭގެ 18 ރަށެއްގެ ސުކޫލްތަކުގައި ނުނިމިހުރި މަސައްކަތްތައް ކުރުމަަށް ތައުލީމީ ވުޒާރާއިން ސަރުކާރު ހިއްސާވާ 3 ކުންފުންޏަކާއި ހަވާލުކޮށްފިއެވެ.
މިކަމައްޓަކައި ތައުލީމީ ވުޒާރާގައި އިއްޔެ ބޭއްވު ހާއްސަ ރަސްމިއްޔާތެއްގައު މި މަސައްކަތްތައް ނިންމުމަށް ހަވާލުކުރީ، ރޯޑް ޑިވެލޮޕްމަންޓް ކޯރޕަރޭޝަން، މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ އަދި ފެނަކަ ކޯޕަރޭޝަނާއެވެ.
މަސައްކަތްތައް ކުރުމަށް ކުންފުނިތަކާއި ހަވާލުކުރުމުގެ އެއްބަސްވުމުގައި ތަޢުލީމީ ވުޒާރާގެ ފަރާތުން ސޮއިކުރެއްވީ ވަޒީރު ޑރ. އިސްމާއިލް ޝަފީޢުއެވެ. އެމްޓީސީސީން ސޮއިކުރެއްވީ އެކުންފުނީގެ މެނޭޖިން ޑިރެކްޓަރ ޑެޕިއުޓީ ކޮމިޝަނަރ އޮފް ޕޮލިސް ރިޓަޔަރޑް އަޙްމަދު ސަޢުދީއެވެ. ފެނަކަ ކޯޕަރޭޝަންގެ ފަރާތުން ސޮއިކުރެއްވީ އެކުންފުނީގެ މެނޭޖިންގ ޑިރެކްޓަރ މުޙައްމަދު ނަޖާޙްއެވެ. އަދި އާރްޑީސީން ސޮއިކުރެއްވީ އެކުންފުނީގެ މެނޭޖިން ޑިރެކްޓަރ ބްރިގޭޑިއަރ ޖެނެރަލް ރިޓަޔާރޑް އަލީ ޒުހައިރެވެ.
ފެނަކަ ކޯރޕަރޭޝަނާ ހަވާލުކޮށްފައިވާ ރަށްތައް:
• ގއ. ކަނޑުހުޅުދޫ
• ހދ. ވައިކަރަދޫ
• ތ. ވޭމަންޑޫ
• ތ. އޮމަދޫ
• ށ. ފީވަށް
• ށ. ގޮއިދޫ
• ލ. ކުނަހަންދޫ
• ގއ. ކޮނޑޭ
• ފ. ބިލެއްދޫ
• ފ. ފީއަލީ
• ބ. ފުޅަދޫ
• ބ. ގޮއިދޫ
އެމްޓީސީސީއާ ހަވާލުކޮށްފައިވާ ރަށްތައް:
• ރ. އުނގޫފާރު
• ހއ. އުލިގަމު
• ކ. މާފުށި
• ވ. ފުލިދޫ
އާރްޑީސީއާ ހަވާލުކޮށްފައިވާ ރަށްތައް:
• ހއ. ފިއްލަދޫ
• ރ. ހުޅުދުއްފާރު
Advertisement
This content is created and paid for by advertisers and does not involve Voice Journalists
