ފުވައްމުލައް ސިޓީގައި މަސްތުވާތަކެތީގެ ވިޔަފާރިއާ ދެކޮޅަށް ދިވެހި ފުލުހުންގެ ޚިދުމަތުން ކުރިއަށްގެންދިޔަ އޮޕަރޭޝަންގައި މަސްތުވާތަކެތީގެ ވިޔަފާރިކޮށް މަނީ ލޯންޑާ ކުރުމުގައި އިސްކޮށް ހަރަކާތްތެރިވާ ކަމަށް ތުހުމަތުކޮށް ހައްޔަރު ކުރި ދެ މީހުންގެ މައްޗަށް ދައުވާ އުފުލައިފި އެވެ.

ދައުވާ އުފުލާފައި ވަނީ ޏ. ފުވައްމުލައް / ދޫޑިގަން، ކަރަންކާވިލާ، އަޙްމަދު ނިއުޝާދު (34 އަހަރު) އާއި ޏ. ފުވައްމުލައް / ދޫޑިގަން، ޒަމާނީގެ، ޙަސަން ޢާޒިމް (29 އަހަރު) ގެ މައްޗަށެވެ.

ޕީޖީ އޮފީހުން ބުނީ އެ ދެ މީހުންގެ މައްޗަށް ކުށްކުރާ ޖަމާޢަތެއްގައި ބައިވެރިވުމުގެ ކުށުގެ ދައުވާ އާއި މަނީ ލޯންޑްރިންގގެ ކުށުގެ ދައުވާ އެވެ.

ނިއުޝާދު ހައްޔަރުކުރި އޭނާގެ އެކައުންޓްގައި 21,855,766.99 މިލިއަން ރުފިޔާ ހުއްޓެވެ. އާޒިމްގެ އެކައުންޓްގައި 5,998,696.60 ރުފިޔާ ހުއްޓެވެ. މަނީ ލޯންޑަރީންގެ ދައުވާ އުފުލީ މިއީ ކުށް ކޮށްގެން ހޯދާފައިވާ ފައިސާކަމަށް ޝައްކުކުރެވޭ ޙާލަތުގައި، އެ ފައިސާ މީނާ އަތުގައި ބަހައްޓައި ބޭނުންކޮށްފައިވާތީ އެވެ.

މި މައްސަލާގައި ދައުލަތުން ވަނީ އިސްލާމިކް ބެންކުގެ އެކައުންޓްގައި ހުރި 1,194,290.31 މިލިއަން ރުފިޔާއާ ހަތަރު ސައިކަލާއި ފަސް ކާރާއި ކަނޑު އުޅަނދަކާއި ސަންކޮނުއަރ 29 ގުރަޔާއި ރިންގްނެކް 9 ގުރާ ދައުލަތަަށް ނަގައިދޭން އެދިފަ އެވެ.