މައުމޫން ފައުންޑޭޝަނުން ބާއްވާ އިޙްޔާ ޖަލްސާތަކުގެ ތެރެއިން ފަހު ޖަލްސާ މިރޭ ބޭއްވުމަށް ނިންމައިފި އެވެ.
ކުރީގެ ރައީސް އަދި މަޝްހޫރު ދީނީ ޢިލްމުވެރިޔާ އަލްއުސްތާޛު މައުމޫން އަބްދުލްގައްޔޫމްގެ މައުމޫން ފައުންޑޭޝަނުން ކޮންމެ އަންގާރަ ދުވަހެއްގެ ރޭ ޖަލްސާ ބާއްވަމުން ގެންގޮސްފައިވެ އެވެ.
މިރޭ އޮންނާނީ ފަހު ޖަލްސާ އެވެ. އިސްލާމީ މަރުކަޒުގެ ޖަލްސާކުރާ ހޯލްގައި މި ޖަލްސާގައި އޮންނާނީ 9:45 ގަ އެވެ.
މިރޭގެ ޖަލްސާގައި ރައީސް މައުމޫން ވާހަކަފުޅުދައްކަވާނެ އެވެ. އެމަނިކުފާނު ވާހަކަފުޅު ދައްކަވާނީ "އިޖާބަ ކުރައްވަނިވި ދުޢާ"، މި މަޢުޟޫޢު އަށެވެ.
މިރޭގެ އިޙްޔާ ޖަލްސާގައި ޑރ. ސަޢުދުﷲ ޢަލީ ވެސް ވާހަކަފުޅު ދައްކަވާނެއެވެ. ސަޢުދުﷲ ވާހަކަފުޅުދައްކަވާނީ "އިސްލާމް ދީން އުނގަންނަވައި ދެއްވުމުގައި ކީރިތި ރަސޫލާ ގެންގުޅުއްވި ގޮތްތައް" މި މަޢުޟޫޢު އަށެވެ.
މިރޭގެ ޖަލްސާގައި ވީހާވެސް ގިނަ ބަޔަކު ބައިވެރިވެ ދިނުމަށް މައުމޫން ފައުންޑޭޝަނުން އެދިފައިވެ އެވެ.
Advertisement
This content is created and paid for by advertisers and does not involve Voice Journalists
