މާދާމާ ވާނީ ރަމަޟާން ތިރީހަށް ކަމަށާ ނަމަވެސް ހަނދުލައްވައިފިނަމަ ވާނީ އީދަށް ކަމަށް ކުރީގެ ރައީސް ޢަލްއުސްތާޛު މައުމޫން ޢަބްދުލްޤައްޔޫމް ވިދާޅުވެއްޖެ އެވެ.
އެމަނިކުފާނު މިހެން ވިދާޅުވީ އެކްސްގައި ކުރެއްވި ޕޯސްޓެއްގަ އެވެ. އެފަދަ ޕޯސްޓެއް އެމަނިކުފާނު ކުރައްވާފައި ވަނީ ފިތުރު އީދު ވާނެ ދުވަހަކާމެދު ބަހުސެއް ހިނގަމުންދާ ވަގުތެއްގަ އެވެ. ކުރީން އެމަނިކުފާނު ވަނީ މާރިޗު 30 ވާ އާދީއްތަ ދުވަހަކީ މިއަހަރުގެ ފިޠުރު ޢީދު ދުވަހަށް ވާނެ ކަމަށް ވަރަށް ބޮޑަށް ޔަޤީން ކުރެވޭ ކަމަށް ވިދާޅުވެފަ އެވެ.
ނަމަވެސް އެމަނިކުފާނު މިއަދު ކުރެއްވި ޕޯސްޓެއްގައި ވިދާޅުވީ ބަރާބަރު ފަލަކީހިސާބުން ދައްކާގޮތުގައި މިރޭ ރާއްޖެއަށް އިރާއިހަނދު އޮއްސެނީ އެއްވަގުތެއްގައި ކަމަށެވެ. އެއީ 18ގަޑި 14 މިނެޓުގައި ކަމަށް ވިދާޅުވި އެވެ.
"ވީމާ އިރު އޮއްސުމަށްފަހު އުދަރެހުގައި ހަނދެއް ނުހުންނާނެއެވެ. އަދި މާދަމާވާނީ ރަމަޟާން ތިރީހަށެވެ. އެހެންނަމަވެސް އިސްލާމީ އެހެން ޤައުމަކަށް މިރޭ ހަނދުސާބިތު ވެގެން ރާއްޖެއަށް ހަނދުލައްވައިފިނަމަ މާދަމާ ވާނީ އީދަށެވެ," މައުމޫން ކުރެއްވި ޕޯސްޓް ގައި ވިދާޅުވި އެވެ.
Advertisement
This content is created and paid for by advertisers and does not involve Voice Journalists
