މިއަދަކީ މި އަހަރުގެ ރަމަޟާން މަހުގެ ފަހު ދުވަސް ކަމަށާ މި އަހަރުގެ ފިތުރު އީދު ދުވަހަކީ މާދަމާ ކަމަށް ކަނޑައަޅާ އެކަން ސަރުކާރުން އިއުލާނު ކުރައްވައިފި އެވެ.

ޝައްވާލް މަހުގެ ހަނދު ސާބިތު ކުރުމާއި ގުޅޭގޮތުން ފަލަކީ ކޮމެޓީން ބައްދަލްވެ މިރޭ ވަނީ ހަނދާ ބެހޭ ގަރާރު އިއްވާފަ އެވެ. އެ ގަރާރުގައި ބުނެފައި ވަނީ ރާއްޖޭގެ އެއްވެސް ރަށަކަށް މިރޭ ޝައްވާލު މަހުގެ ހަނދު ފެނިފައި ނުވި ނަމަވެސް އިސްލާމީ ބައެއް ގައުމުތަކަށް ޝައްވާލު މަހުގެ ހަނދު ފެނިފައިވާ ކަމަށް ރަސްމީކޮށް ލިބިފައިވާތީ ރަމަޟާން މަހާއި ޝައްވާލު މަހުގެ ހަނދު ސާބިތު ކުރުމުގައި ރާއްޖެއިން އަމަލު ކުރަން ހަމަޖެހިފައިވާ އުސޫލުގެ މަތީން މިއަދަކީ މި އަހަރުގެ ރަމަޟާން މަހުގެ ފަހު ދުވަސް ކަމަށާ މި އަހަރުގެ ފިތުރު އީދު ދުވަހަކީ މާދަމާ ކަމަށް ކަނޑައަޅާ ކަމަށެވެ.

ރާއްޖޭގެ މި ނިންމުން އައީ ސައުދި އަރަބިއްޔާއަށް ހަނދު ފެނިފައިވާ ކަމަށާ މާދަމާ އަކީ އެ ގައުމަށް އީދު ދުވަސް ކަމަށް ކަނޑައަޅާ އިއުލާނު ކޮށްފައި ވަނިކޮށެވެ.

Advertisement

މި އަހަރުގެ ރަމަޟާން މަސް ވެސް ރާއްޖެއަށް ފެށީ ރާއްޖެއަށް ހަނދު ފެނިގެނެއް ނޫނެވެ. އެ ރޭ ދިމާވީ ވަރަށް ވިއްސާރަ ވެސް ރެ އަކަށެވެ.

މިއަދަކީ މި އަހަރުގެ ރަމަޟާން މަހުގެ ފަހު ދުވަސް ކަމަށާ މި އަހަރުގެ ފިތުރު އީދު ދުވަހަކީ މާދަމާ ކަމަށް ކަނޑައަޅާ އެކަން ސަރުކާރުން އިއުލާނު ކުރި ނަމަވެސް ބައެއް ގައުމުތަކުން ވަނީ އެ ގައުމުތަކަށް އީދު ދުވަހަކީ ހޯމަ ދުވަސް ކަމަށް ކަނޑައަޅާފަ އެވެ. 

އެންމެ ފުރަތަމަ ގަރާރު ނެރުނު އެެއް ގައުމަކީ މެލޭޝިޔާ އެވެ. އެ ގައުމަށް އީދު ދުވަހަކީ އަންނަ ހޯމަ ދުވަހެވެ.

އޭގެ ފަހުން ބުރޫނާއީ އާއި އޮސްޓްރޭލިއާ އާއި އިންޑޮނޭޝިއާ އާއި ބަންގްލަދޭޝް އިން ވެސް ވަނީ އެ ގައުމުތަކުގެ ނިންމުން އިއުލާނު ކޮށްފަ އެވެ. އެ ހުރިހާ ގައުމަކަށް ވެސް އީދު ދުވަހަކީ އަންނަ ހޯމަ ދުވަހެވެ.

މާދަމާ އަކީ ރަމަޟާން މަހުގެ ފަހު ދުވަހެވެ.