ސައުދިއަރަބިއްޔާއަށް ހަނދު ފެނިއްޖެ އެވެ.

ސައުދީގެ ކަމާބެހޭ އިދާރާތަކުން ވަނީ އެ ގައުމަށް ޝައްވާލު މަހުގެ ހަނދު ފެނިފައިވާކަން ރަސްމީކޮށް އިއުލާނު ކޮށްފަ އެވެ. އެހެން ކަމުން އެ ގައުމަށް މާދަމާ އަކީ ފިތުރު އީދު ދުވަހެވެ.

ސައުދީގެ އެ ނިންމުމާ އެއްގޮތަށް ރާއްޖެއި ވެސް މިހާރު ވަނީ މިއަދަކީ މި އަހަރުގެ ރަމަޟާން މަހުގެ ފަހު ދުވަސް ކަމަށާ މާދަމާ އަކީ މި އަހަރުގެ ޝައްވާލު މަހުގެ ފުރަތަމަ ދުވަސް ކަމަށް ކަނޑައަޅާ އެކަން އިއުލާނު ކޮށްފަ އެވެ.

Advertisement

ނަމަވެސް ބައެއް ގައުމުތަކުން ވަނީ އެ ގައުމުތަކަށް އީދު ދުވަހަކީ ހޯމަ ދުވަސް ކަމަށް ކަނޑައަޅާފަ އެވެ. 

އެންމެ ފުރަތަމަ ގަރާރު ނެރުނު އެެއް ގައުމަކީ މެލޭޝިޔާ އެވެ. އެ ގައުމަށް އީދު ދުވަހަކީ އަންނަ ހޯމަ ދުވަހެވެ.

އޭގެ ފަހުން ބުރޫނާއީ އާއި އޮސްޓްރޭލިއާ އާއި އިންޑޮނޭޝިއާ އާއި ބަންގްލަދޭޝް އިން ވެސް ވަނީ އެ ގައުމުތަކުގެ ނިންމުން އިއުލާނު ކޮށްފަ އެވެ. އެ ހުރިހާ ގައުމަކަށް ވެސް އީދު ދުވަހަކީ އަންނަ ހޯމަ ދުވަހެވެ.

މާދަމާ އަކީ ރަމަޟާން މަހުގެ ފަހު ދުވަހެވެ.