އަލް އަސްރުގެ އިސްލާމިކް ސީރީޒް "ފެށުން" ގެ ތިންވަނަ އެޕިސޯޑް މިރޭ ދައްކާނެ އެވެ.

މިއީ މިފަދަ ސީރީޒެއް ރާއްޖޭގައި އުފައްދާ ބްރޯޑްކާސްޓް ކުރާ ފުރަތަމަ ފަހަރެވެ. ދިވެހީންގެ ދީނީ ހޭލުންތެރި ކަމަށް ވަރަށް ފުޅާ ދާއިރާއެއްގައި މަަސައްކަތް ކުރާ އަސްރުން އުފައްދާފައިވާ "ފެށުން" މިއީ ހަތަރު އެޕިސޯޑްގެ ސީރީޒެެކެވެ.

ކޮންމެ އެޕިސޯޑެއްގައި 20 މިނެޓެވެ.

Advertisement

މި ސީރީޒްގައި ދައްކައިދޭނީ މަހަށް ނިކުންނަ ޒުވާނަކަށް ދިމާވާ ހާދިސާއެކެވެ. މުޅި ސީރީޒުން މުހިންމު މެސެޖުތަކެއް ދޭނެ އެވެ.

މި ސީރީޒްގެ ޓައިޓަލް ސްޕޮންސަރަކީ ފަހިޕޭ އެވެ. ކޯ ސްޕޮންސަރަކީ ރެޑްބޮކްސް އެވެ. ސްޕޮންސަރަކީ އެލިޔާ އިންވެސްޓްމަންޓެވެ.

މީޑިއާ ޕާޓްނަރަކީ ވޮއިސް އެވެ. ބްރޯޓްކާސްޓިން ޕާޓްނަރަކީ ދާރިސް ޓީވީ އެވެ.

އއ. މަތިވެރީގައި ނަގާފައިވާ މި ސީރީޒްގެ ތިންވަނަ އެޕިސޯޑް މިރޭ ދައްކާނެ އެވެ. އެޕިސޯޑްގެ ރިޕީޓް ބުދަ ދުވަހުގަ ހެނދުނު 10:00 ގައި ހުކުރު ދުވަހުގެ މެންދުރު 2:30 ގައި އަދި ހޯމަ ދުވަހުގެ ހެނދުނު 10:30 އާއި އެ ރޭ 12:30 ގައި ދައްކާނެ އެވެ.

އާ އެޕިސޯޑެއް ކޮންމެ ހޮނިހިރު ދުވަހެއްގެ ރޭ 9:30 ގައި ދާރިސް ޓީވީން ދައްކާނެ އެވެ.