‏ޢީދުހަވީރު 1446ގެ ހަރަކާތްތައް މިއަދާއި މާދަމާވެސް އޮންނާނެ ކަމަށް މޯލްޑިވްސް ނެޝަނަލް ޑިފެންސް ފޯސް އިން ބުނެފި އެވެ.

ކުޑައީދާ ގުޅިގެން އިއްޔެ ހަވީރު ވަނީ މާލޭގައި ވަރަަށް ކުލަގަދަ އީދު ހަވީރެއް ބާއްވާފަ އެވެ.

އެމްއެންޑީއެފުން ރޭ ބުނީ އީދު ހަވީރު، މާރިޗު 31 އަދި އޭޕްރީލް 1 ވަނަ ދުވަހުގެ 16:00 އިން 18:00 އަށް ޖުމުހޫރީ މައިދާން ސަރަހައްދުގައި ކުރިއަށްގެންދިއުމަށް ހަމަޖެހިފައިވާ ކަމަށެވެ.

ޢީދު ހަވީރުގައި ރައީސް ބައިވެރިވެވަޑައިގަންނަވަނީ

ފިތުރު ޢީދުގެ އުފާ ފާހަގަކުރުމުގެ ގޮތުން ދައުލަތުގެ މުއައްސަސާތައް ގުޅިގެން އިއްޔެ ހަވީރު ސަލްޓަންޕާކް ސަރަހައްދުގައި ކުރިއަށްގެންދިޔަ "ޢީދު އުފާ" ހަރަކާތާ ގުޅޭގޮތުން ބައެއް މީހުން ކައިރީ އަހާލުމުން ހުރިހާ އެންމެން އިއްތިފާގުވީ މިފަދަ ހަރަކާތެއް އަދި މިހާތަނަށް ބާއްވާފައި ނުވާކަމަށެވެ.

ސަރުކާރުގެ ނަގާކިޔާ ބޮޑެތި މުއައްސަސާތަކާ އެންމެ ބޮޑެތި ކުންފުނިތަކުން ވަނީ "ޢީދު އުފާ" ހަރަކާތް އިންތިޒާމުކޮށް ކުރިއަށްގެންެދިއުމުގައި ވަރަށްބޮޑެތި މަސައްކަތްތަކެއް ކޮށްފައެވެ. މި ހަރަކާތަކީ ކުޑަކުދިން ޝައުގުވެރިވާ ހަރަކާތަކަށް ހެދުމަށް ހާއްސަގޮތެއްގައި އެމްއެންޑީއެފާއި ފުލުހުންގެ އިތުރުން ސަރުކާރު ހިއްސާވާ ކުންފުނިތަކުން ވަނީ ވަރަށްބޮޑެތި މަސައްކަތްތަކެއް ކޮށްފައެވެ.

"ޢީދު އުފާ" ހަރަކާތް ކުރިއަށްގެންގޮސްފައިވަނީ، ސަލްޓަން ޕާކުން ފެށިގެން ޝަހީދުންގެ ބިނާ ސަރަހައްދާއި ޖުމްހޫރީ މައިދާން ސަރަހައްދުވެސް ހިމެނޭހެން ވީހާވެސް ގިނަ ރައްޔިތުންނަށް ބައިވެވެރިވެވޭ ގޮތަށެވެ. މި ހަރަކާތުގައި ދިވެހި ސަޤާފަތާއި، ކުޑަކުދިންގެ މެދުގައި މަޤްބޫލުކަން ލިބިފައިވާ ކެރެކްޓާތައް ވަނީ ދައްކާލާފައެވެ.

ޢީދު ހަވީރުގައި ރައީސް ބައިވެރިވެވަޑައިގަންނަވަނީ

މި ހަރަކާތުގައި ކުޑަކުދިންގެ އެންމެބޮޑު މަޤްބޫލުކަމެއް ލިބިގެންގޮސްފައިވަނީ އެމްއެންޑިއެފް އަދި ފުލުހުންގެ މުއައްސަސާތަކުން ކުޑަކުދިން ބައިވެރިވެވޭގޮތަށް ގެންދިޔަ ހަރަކާތްތަކެވެ.

މީގެ ތެރޭގައި އެމްއެންޑީއެފާއި ފުލުހުންގެ އުޅަނދުތަކަށް ކުޑަކުދިން އަރައި ފޮޓޯނެގޭގޮތަށް ގެންދިޔަ ހަރަކާތްތަކާއި، ކުދިންނަށް ބައިވެރިވެވޭގޮތަށް ކުރިއަށްގެންދިޔަ އެމްއެންޑީއެފްގެ ހަރަކާތްތައް ފާހަގަކޮށްލެވެއެވެ.