Advertisement

ޝައްވާލުމަހުގެ ފުރަތަމަ 7 ދުވަހު އިމިގްރޭޝަނުގެ ހިދުމަތްތައް ދޭނޭ ގަޑިތައް އާއްމުކޮށްފި

އިމިގްރޭޝަނުގެ މުއައްޒަފަކު ހިދުމަތް ދިނުމުގައި.. ފޮޓޯ: އިމިގްރޭޝަން

މިހިނގާ ޝައްވާލުމަހުގެ ފުރަތަމަ 7 ދުވަހު މޯލްޑިވްސް އިމިގްރޭޝަނުގެ ހިދުމަތްތައް ދޭނޭ ގަޑިތައް އާއްމުކޮށްފިއެވެ.

އިމިގްރޭޝަނުން ބުނީ ޝައްވާލުމަހުގެ ފުރަތަމަ 7 ދުވަހު އިމުގާ ޕޯޓަލް މެދުވެރިކޮށް ގްރޭޓާ މާލެ ސަރަހައްދުގައި ދިރިއުޅެމުންދާ ފަރާތްތަކަށް ޕާސްޕޯޓް ހެއްދުމަށް ފޯމް ހުށަހެޅޭނޭކަމަށެވެ. މީގެ އިތުރުން 65 އަހަރުން މަތީގެ މީހުންނާއި ހާއްސަ ހާލަތްތައް ދިމާވެފައިވާ މީހުންނަށް އޮންލައިނުކޮށާއި، އިމިގްރޭޝަނަށް ގޮސްގެން ހިދުމަތް ހޯދޭނޭކަމަށް އެއިދާރާއިން ބުނެއެވެ. 

އިމިގްރޭޝަނުން ބުނީ އެފަދަ ހާލަތްތަކުގައި ވާ މީހުންނަށް ހިދުމަތްދިނުމަށް ހެނދުނު 09:15 އިން މެންދުރު 12 ޖެހުމާއަމަޔަށް އިމިގްރޭޝަން ހުޅުވާފައި ހުންނާނޭ ކަމަށެވެ. އަދި ޕާސްޕޯޓާ ހަވާލުވުމަށް ނަމްބަރުދޫކުރުމަށް ކިބީ މެދުވެރިކޮށް ހެނދުނު 09:15 އިން މެންދުރު 12 ޖެހުމާއަމަޔަށް ނމްބަރު ނެގޭނޭކަމަށް އިމިގްރޭޝަނުން ބުނެއެވެ.

Advertisement

މީގެ އިތުރުން އެއިދާރާއިން ވަނީ މިދުވަސްތަކުގައި އެންފޯސްމަންޓް އެންޑް ކޮމްޕްލައިން ޑިވިޝަނާއި، ސީޕޯޓްގެ ހިދުމަތްވެސް ދޭނޭ ގަޑިތައް އާއްމުކޮށްފައެވެ.

އިމިގްރޭޝަނުން ބުނީ މެޑިކަލް ކަމެއްގައި އެމަޖެންސީކޮށް 9555333 ކަށް ގުޅުމުން އިންތިޒާމުތައް ހަމަޖެއްސުމުގެ މަސައްކަތް ކުރިއަށްދާނޭކަމަށެވެ.

Advertisement

ކޮމެންޓް