ރ.މަޑުއްވަރީ ދެބެންގެ މެދުގައި ހިނގި މާރާމާރީއެއްގައި އެކެއްގެ ބޮލަށް ވަޅިން ހަމަލާދީ ޒަޚަމްކޮށްލައިފިއެވެ. 

ފުލުހުން ބުނި ގޮތުގައި މި މައްސަލަ ފުލުހުންނަށް ރިޕޯޓްކޮށްފައިވަނީ ރޭ 11:28 އެހާކަށްހާއިރުއެވެ.

އަދި މި މާރާމާރީގައި އަނިޔާ ލިބުނު ފަރާތަށް ރ. މަޑުއްވަރީ ހެލްތު ސެންޓަރުގައި ފަރުވާދީފައިވާ ކަމަށް ފުލުހުން ބުންޏެވެ.

Advertisement

އެފަހުން އޭނާއަށް އުނގޫފާރު ހޮސްޕިޓަލުންވެސް ފަރުވާދިން ކަމަށް ”ވޮއިސް“ އަށް މައުލޫމާތު ލިބިފައިވެއެވެ. 

މީގެ އިތުރުން ފުލުހުން ބުނީ، މި މައްސަލައިގެ ތުހުމަތުގައި 35 އަހަރުގެ ދިވެހި ފިރިހެނަކު ވަނީ ފުލުހުންގެ ބެލުމުގެ ދަށަށް ގެނެސްފައިވާ ކަމަށެވެ.

ފުލުހުން ބުނީ މި މައްސަލއާ ގުޅިގެން 35 އަހަރުގެ ދިވެހި ފިރިހެނަކު ފުލުހުންގެ ބެލުމުގެ ދަށަށް ގެނެސްފައިވާކަމަށެވެ. މި މައްސަލަ ފުލުހުން ދަނީ ތަހްގީގުކުރަމުންނެވެ.

މި މައްސަލަ އާއި ގުޅިގެން ހައްޔަރު ކޮށްފައިވަނީ މީގެ ކުރިންވެސް މީހަކަށް ވަޅިން ހަމަލާދިން މީހެކެވެ. އެގޮތުން، 2019 ވަނަ އަހަރުގެ ތެރޭގައި ލަނޑާ ދޯންޏެއްގައި އުފެދުނު ދެބަސްވުމެއްގެ ތެރެއިން، އެ ދޯނީގެ މީހަކަށް ވަޅިން ހަމަލާދީ އެމީހާ މޫދަށް އެއްލައިލީވެސް ރޭގެ މާރާމާރީގައި ހައްޔަރު ކުރި މީހާއެވެ.