Advertisement

ނިލަންދޫ ނަރުދަމާ ނިޒާމް އަލުން ޤާއިމްކުރުމަށް ކުރަންޖެހޭ މަސައްކަތްތައް ފަށައިފިން: މަތީން

ފ.ނިލަންދޫ ނަރުދަމާ މައްސަލަޖެހިފައި... ފޮޓޯ: ސޯޝަލް މީޑިއާ

ނިލަންދޫ ނަރުދަމާ ނިޒާމުގެ މަސައްކަތް އަލުން ޤާއިމްކުރުމަށް ކުރަންޖެހޭ މަސައްކަތްތައް ފަށާފައިވާކަމަށް އެމްޑަބްލިއުއެސްސީގެ މެނޭޖިންގ ޑިރެކްޓަރު އަބްދުލް މަތީން މުހައްމަދު ވިދާޅުވެއްޖެއެވެ.

މިހާރު ނިލަންދޫގައި ބޭނުންކުރަމުންދާ ނަރުދަމާ މައްސަލަޖެހި ރަށުގެ އެކި ސަރަހައްދުތަކުގައި ޤާއިމްކޮށްފައިވާ ޖަންކްޝަންތަކުން ވަނީ ނަޖިސްލީކްވާން ފަށާފައެވެ. މި މައްސަލައާ ގުޅިގެން ރަށުގެ ގިނަ ބައެއްގެ ކަންބޮޑުވުން ފާޅުކޮށްފައިވާއިރު، އެކަން ވަނީ މިހާރު އާއްމު އުނދަގުލަކަށްވެސް ވެފައެވެ. ނިލަންދޫ ނަރުދަމާ ނިޒާމަށް މިގހާރު ޖެހިގެންއުޅޭ މައްސަލައާ ގުޅޭގޮތުން މަތީން ވިދާޅުވީ، އެރަށުގެ ނަރުދަމާއަކީ 15 އަހަރަށް ޑިޒައިންކޮށްފައިވާ ވެކިއުމް ނިޒާމެއްކަމަށާއި، މިހާރު އެ ނިޒާމް ޤާއިމްކުރިތާވެސް 18 އަހަރު ވެފައިވާކަމަށެވެ.

ވޭތުވެދިޔަ އަހަރުތަކާއި، އަދި މިހާރުވެސް އެ ނިޒާމު ހިންގާ މަރާމާތުކުރުމަށް ބޮޑެތި ގޮންޖެހުންތަކެއް ހުރިކަން ފާހަގަކުރައްވަމުން މަތީން ވިދާޅުވީ، ނިލަންދޫ ރައްޔިތުންނަށް ކުރިމަތިމަތިވަމުން އަންނަ ތަކުލީފުތަކަށް ދާއިމީ ހައްލެއް ހޯދުމަށް ފ.ނިލަންދޫގައި "ގްރެވިޓީ" ނަރުދަމާ ނިޒާމެއް ޤާއިމްކުރުމަށް ކުރަންޖެހޭ މަސައްކަތްތައް މިހާރު ފަށާފައިވާކަމަށެވެ. މިގޮތުން ޑިޒައިން މަސައްކަތް ކުރުމަށްޓަކައި ބޭނުންވާ ބިންތައް ކަނޑައެޅުމާއި، ލޭންޑް ސަރވޭ ހެދުމާއި، ޓޮޕޮގްރަފިކް ސަރވޭގެ މަސައްކަތް މިހާރު ނިމިފައިވާކަން މަތީން ފާހަގަކުރެއްވިއެވެ.

Advertisement

މަތީން ވިދާޅުވީ ޑިޒައިން ނިންމުމަށްފަހު ޔުޓިލިޓީ ރެގިޔުލޭޓަރީ އޮތޯރިޓީގެ ހުއްދަތަކާއި އީއައިއޭ ނިންމާ ޢަމަލީ މަސައްކަތް ރަށުގައި ފެށުމަށް ޝެޑިއުލްކުރެވިފައިވަނީ އަންނަ މެއި މަހުގެ ތެރޭގައި ކަމަށެވެ. މިހާރު ރަށުގައި އަޅާފައިވާ ވެކިއުމް ނިޒާމްގެ ޚިދުމަތް މެދުނުކެނޑޭނެ ގޮތަކަށް މުޅިން އައު ގްރެވިޓީ ނިޒާމެއް ޤާއިމްކުރުމަކީ ގޮން ޖެހުންތަކަކާއި ކުރިމަތިވާނެ މަސައްކަތެއް ކަމަށް ވުމާއެކު އައު ނަރުދަމާ ނިޒާމުގެ މަސައްކަތް މުޅިން ނިންމާލެވޭނެ ކަމަށް ލަފާކުރެވެނީ 2026 ގެ ފަހުކޮޅުކަމަށްވެސް މަތީން ވިދާޅުވިއެވެ.

އެމް.ޑަބް.ލިޔު.އެސް.ސީ ގެ ސްކޯޕްގެތެރޭގައި ހިމެނެނީ ގްރެވިޓީ ނިޒާމު ޤާއިމްކުރުމުގެ މަސައްކަތް ކަމުގައި ވުމާއެކު، އެ މަސައްކަތް ކުރިޔަށްދާ މުއްދަތުގެ ތެރޭގައިވެސް ވެކިޔުމް ސިސްޓަމް މަރާމާތުކޮށް ހިންގާ ބެލެހެއްޓުން ކުރިއަށް ގެންދާނީ ނިލަންދޫގައި މިހާރުވެސް ޔުޓިލިޓީގެ ޚިދުމަތް ފޯރުކޮށްދޭ އިދާރާތަކުންކަމަށް މަތީން ވިދާޅުވިއެވެ.

Advertisement

ކޮމެންޓް
ނިލަންދޫ
ހުސް ވާހަކަ. އެއްވެސް އުއްމީދެއް ނެއް. އެއްވެސް ކަމެއް ނުނިމޭ. ފެން ޕްލާންޓްގެ ކަންކަން ފެނުނު މީހަކުވެސް ކަރުނަ އަޅާނެ
01 Apr 2025

Advertisement

Advertisement