އޯޓިޒަމް ތަޙައްމަލުކުރާ ކޮންމެ ކުއްޖަކީވެސް ޤައުމަށް މަންފާކޮށްދޭނެ އެތައް ހުނަރެއް ލިބިފައިވާ މޮޅު ކުދިން ކަމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
ރައީސް މުޢިއްޒު މިހެން ވިދާޅުވީ، މިއަދު ފާހަގަކުރަމުންދާ ދުނިޔޭގެ އޯޓިޒަމް ދުވަހާއި ގުޅިގެން އެކްސްގައި ކުރެއްވި ޕޯސްޓެއްގައެވެ.
ރައީސް މުޢިއްޒު އެ ޕޯސްޓްގައި ވިދާޅުވެފައިވަނީ ކޮންމެ ދިވެހި ދަރިއަކީ، ޤައުމަށް މުހިންމު އަގުހުރި ދަރިޔެއް ކަމަށެވެ.
އަދި އޯޓިޒަމް ތަޙައްމަލުކުރާ ކޮންމެ ކުއްޖަކީވެސް ޤައުމަށް މަންފާކޮށްދޭނެ އެތައް ހުނަރެއް ހުރި މޮޅު ކުދިން ކަމަށެވެ.
މީގެއިތުރުން، ރައީސް މުޢިއްޒު ވަނީ އޯޓިޒަމް ތަހަންމަލްކުރާ ކުދިންނަށް އަޅައިލުމާއި ލޯބިދިނުމަކީ ޤައުމީ ވާޖިބެއްކަމަށް ވެސް ވިދާޅުވެފައެވެ.
ދުނިޔޭގެ އޯޓިޒަމް ދުވަސް ފާހަގަކުރަނީ ކޮންމެ އަހަރެއްގެ އެޕްރީލް 2 ވަނަ ދުވަހުއެވެ. މި ދުވަހަކީ އޯޓިޒަމްއާ ބެހޭ ގޮތުން ހޭލުންތެރިކަން އިތުރުކުރުމަށާއި، އޯޓިޒަމް ތަހަންމަލްކުރާ މީހުންނަށް ދިމާވާ ގޮންޖެހުންތަކަށް ސަމާލުކަން ގެނައުމަށް ބޭއްވޭ ދުވަހެކެވެ.
Advertisement
This content is created and paid for by advertisers and does not involve Voice Journalists
