Advertisement

ފުލެޓް ލިސްޓަށް ޝަކުވާ ހުށަހެޅުމަށް ”ދަ ކޮމަނާސް“ ޖަމިއްޔާއިން އެހީވަނީ!

ދަ ކޮމަނާސް ޖަމިއްޔާގެ މެންބަރުން: ފޮޓޯ/ ދަ ކޮމަނާސް ޖަމިއްޔާ

ފުލެޓް ލިސްޓަށް ޝަކުވާ ހުށަހެޅުމުގެ ކަންކަމަށް ”ދަ ކޮމަނާސް“ ޖަމިއްޔާއިން އެހީވާން ނިންމައިފިއެވެ. 

‏ދަ ކޮމަނާސް އިން މިއަދު ފޭސްބުކުގައި ކުރި ޕޯސްޓެއްގައި ބުނީ، މާދަމާ ( 4 އޭޕްރީލް ) އިން ފެށިގެން 10 އެޕްރީލް އާއި ހަމަޔަށް ކޮންމެ ދުވަހަކު ހަވީރު 4:00 ފެށިގެން ރޭގަނޑު 8:00 އަކާއި ދެމެދު ( ނަމާދު ވަގުތު ފިޔަވާ ) ފަހި ފްލެޓާއި ގުޅިގެން ޝަކުވާ ހުށަހެޅުމަށް އެހީތެރިކަން ބޭނުންވާ ފަރާތްތަކަށް ހުޅުވާލާ ހެލްޕް ޑެސްކްގެ މަސައްކަތް ކުރިއަށް ގެންދެވޭނެ ކަމަށެވެ.

އަދި މިކަން ކުރިއަށްދާނީ ހުޅުމާލޭގައި ހުންނަ ”ޕޯޓް ކިއޯސްކް އެންޑް ކެފޭ“ ގެ ފުރަތަމަ ފަންގިފިލާގައި ކަމަށެވެ. 

Advertisement

އެޖަމިއްޔާއިން ވަނީ، ޝަކުވާއަށް ހުށަހެޅުމަށް އެހީއަށްއެދި އަންނަ ފަރާތްތަކުން ޕޯޓަލްއަށް ވަދެވޭނެހެން ފޯނު ނުވަތަ އެހެން ޑިވައިސްއެއް ގެނައުމަށް އެދިފައެވެ. އަދި ބަލަން ޖެހޭ ޑޮކިއުމަންޓްތަކުގެ ސޮފްޓް ކޮޕީވެސް ގެނައުމަށް އެދިފައިވެއެވެ.

މިކަމާ ބެހޭ އިތުރު މައުލޫމާތު ސާފު ކުރުމަށް 7434000 ގުޅުމަށް އެ ޖަމިއްޔާއިން އެދެއެވެ.

ފްލެޓް ލިސްޓާ ގުޅޭގޮތުން ޝަކުވާ ހުށަހެޅުމަށް ހުޅުވާލާފައިވާ އެންމެ ފަހު ތާރީހަކީ، އަންނަ އޭޕްރިލްމަހުގެ 15 ވަނަ ދުވަހެވެ.

ގެދޮރުވެރިޔާ ސްކީމުގެ ދަށުން މިދިޔަ ސަރުކާރުން ދޫކުރުމަށް ނިންމި 4،000 ފްލެޓް ލިސްޓަށް ޝަކުވާ ހުށަހެޅުމަށް ހުޅުވާލުމު މިހާތަނަށް އެންމެ ގިނައިން ޝަކުވާ ހުށަހަޅާފައިވަނީ 3 ކޮޓަރީގެ އެޕާޓްމަންޓްތަކާ ގުޅޭ ޝަކުވާތައްކަމަށް ހައުސިން މިނިސްޓްރީން މީގެ ކުރިން ވަނީ ބުނެފައެވެ.

ރައީސް އިބްރާހިމް މުހައްމަދު ސޯލިހުގެ ސަރުކާރުން އާއްމުކުރި ފްލެޓް ލިސްޓް މުރާޖައާކުރުމަށްފަހު މި ސަރުކާރުން އަލުން އެ ލިސްޓް އާއްމުކޮށްފައިވަނީ، މިދިޔަ ފެބުރުއަރީމަހުގެ 27 ވަނަ ދުވަހެވެ. 

ހައުސިން މިނިސްޓްރީން ވަނީ ފްލެޓަށް ފޯމް ހުށަހަޅާފައިވާ ފަރާތެއްނަމަ އެފަރާތުގެ ފޯމާއި ގުޅޭ ޝަކުވާ ގެދޮވެރިން ޕޯޓަލް މެދުވެރިކޮށް ހުށަހެޅުމަށް އަދި ލިސްޓުގައިވާ ފަރާތަކާއި ގުޅޭ ޝަކުވާއެއް ނަމަ އީމެއިލް ނުވަތަ މިނިސްޓްރީއަށް އެޑްރެސްކޮށް ފޮނުވޭ ސިޓީއަކުން ހުށަހެޅޭނޭ ކަމަށް ބުނެފައެވެ.

މީގެ އިތުރުން، ޝަކުވާ ހުށަހެޅުއްވުމުގެ މުއްދަތުގެ ތެރޭގައި ޝަކުވާ ހުށަހެޅުއްވުމުގެ ކަންކަން ކުރިޔަށްގެންދާނެ ގޮތާއި ގުޅޭ އިތުރު މައުލޫމާތު ސާފުކުރުމަށް މިނިސްޓްރީގެ ނަންބަރު 4004911 އަދި 4004910 ފޯނަށް ގުޅައިގެން މައުލޫމާތު ސާފުކުރެވޭނޭ ކަމަށްވެސް މިނިސްޓްރީން ބުންޏެވެ.

Advertisement

ކޮމެންޓް

Advertisement

Advertisement