Advertisement

އެންމެ ރަނގަޅު ގޮތަކީ އެމްޑީޕީއާ ޑިމޮކްރެޓްސް ގުޅުން: ނަޝީދު

ކުރީގެ ރައީސް ސޯލިހާއި ރައީސް ނަޝީދު އަދި ފައްޔާޒް

އެންމެ ރަނގަޅު ގޮތަކީ އެމްޑީޕީއާ ޑިމޮކްރެޓްސް އަލުން ގުޅުން ކަމަށް ކުރީގެ ރައީސް މުހައްމަދު ނަޝީދު ދެންމެ ވިދާޅުވެއްޖެ އެވެ.

އެމަނިކުފާނު މިހެން ވިދާޅުވީ އެކްސްގައި ކުރެއްވި ޕޯސްޓެއްގަ އެވެ.

ރައީސް ނަޝީދު މިމޭރުމުން ޕޯސްޓެއް މި ކުރެއްވީ ދެން އަންނަ ރިޔާސީ އިންތިހާބެއްގައި އެމްޑީޕީގެ ޓިކެޓް ރަައީސް ސޯލިހަށް ހޯދާ ދިނުމަށް އެ ޕާޓީގެ މެންބަރުން ކެމްޕެއިނެއް ފަށާފައި ވަނިކޮށެވެ. އެމްޑީޕީގެ ރިޔާސީ ޕްރައިމަރީގައި ރައީސް ސޯލިހް ވާދަކުރައްވަން ނިންމެވި ކަމަށް ވެސް އަޑުތައް ގަދަވެފައިވެ އެވެ.

Advertisement

ނަޝީދު ވިދާޅުވީ ރާއްޖެއާ އެމްޑީޕީއަށް ވެސް އެންމެ ރަނގަޅު ގޮތަކީ އެމްޑީޕީއާ ދަ ޑިމޮކްރެޓްސް ގުޅުން ކަމަށެވެ.

އަޅުގަނޑަށް ފެންނަ ގޮތުގައި މިވަގުތު ރާއްޖެ އަށާއި އެމްޑީޕީއަށް އަދި ޑިމޮކްރެޓްސް އަށް ވެސް އެންމެ ރަނގަޅު ގޮތަކީ އެމްޑީޕީއާ ޑިމޮކްރެޓްސް ގުޅުން

ކުރީގެ ރައީސް މުހައްމަދު ނަޝީދު

އެމްޑީޕީގައި ބައިބައިވުން އުފެދުނީ އެންމެ ފަހުން އޮތް ރިޔާސީ ޕްރައިމަރީގަ އެވެ. އެ ޕްރައިމަރީގައި ރައީސް ސޯލިހާއި ރައީސް ނަޝީދު ވާދަ ކުރެއްވި އެވެ. ބޮޑު ތަފާތަކުން އިންތިހާބު ކާމިޔާބު ކުރެއްވީ ރައީސް ސޯލިހެވެ.

ފަހުން ނަޝީދު ވަނީ އެމްޑީޕީން ވަކިވެވަޑައިގެންފަ އެވެ. އޭގެ ކުރީން އެމަނިކުފާނުގެ އެންމެ އަރިސް ވަފާތެރި މެންބަރުން އެމްޑީޕީން ވަނީ ވަކިވެފަ އެވެ.

އަދި ދަ ޑިމޮކްރެޓްސް ނަމުގައި ޕާޓީއެއް އުފެއްދި އެވެ. އެ ޕާޓީއާ ގުޅިވަޑައިގެން ރައީސް ނަޝީދު ވަނީ އެމްޑީޕީ ރޫޅާލައްވާނެ ކަމަށް ވިދާޅުވެފަ އެވެ. ނަމަވެސް ދަ ޑިމޮކްރެޓްސްއަށް ސިޔާސީ މައިދާނުގައި މާބޮޑު ކާމިޔާބެއް ނުހޯދުނެވެ.

އެކަމަކު ރިޔާސީ އިންތިހާބުގައި އެ ޕާޓީން ރަނގަޅު އަދަދެއްގެ ވޯޓް ހޯދާ ރައީސް ސޯލިހްގެ ވެރިކަން ނިމުމަކަށް ގެނައުމުގައި މުހިންމު ދަައުރެއް އަދާކުރި އެވެ. އެކަމުގެ ސަބަބުން ދެ ޕާޓީގެ މެދުގައި އޮތް ސިޔާސީ ވާދަވެރިކަން އިތުރުވި އެވެ.

ފަހުން ޑިމޮކްރެޓްސްގެ ބައެއް އިސްވެރީން ވަނީ އެ ޕާޓީގައި މުސްތަގުބަލެއް ނެތް ކަމަށް ވިދާޅުވެ އަލުން އެމްޑީޕީއާ ގުޅިވަޑައިގެންފަ އެވެ.

މި ވަގުތަކީ އެމްޑީޕީގައި ސިޔާސީ ހަލަބޮލި ކަމެއް ހިނގައިގެންފާނެ ވަގުތެއް ކަމަށް ބެލެވެ އެވެ. އަޑުތައް ހުރި ގޮތުން ރައީސް ސޯލިހް ބޭނުންފުޅުވަނީ ކުއްލި ކޮންގްރެސްއަކުން މުހިންމު ނިންމުންތަކެއް ނިންމަވާށެވެ. ނަމަވެސް ޗެއާޕާސަން ފައްޔާޒް އިސްމާއީލް އާއި ރައީސް ޝަހީދު އެކަމާ ދެކޮޅު ހައްދަ އެވެ.

މި އަޑުތަކުގެ ހަގީގަތެއް އެ ތިން ބޭފުޅުން އަދި ސާފުކޮށެއް ނުދެއްވަ އެވެ.

Advertisement

ކޮމެންޓް
ޖާނޭ
އެއްގޮތަކަށްވެސް އެމްޑީޕީއަށް އަންނިސޮރު ނުވަށްދާތި ވެރިކަންނުލިބުނަސް
05 Apr 2025
ޖާނޭ
އެއްގޮތަކަށްވެސް އެމްޑީޕީއަށް އަންނިސޮރު ނުވަށްދާތި ވެރިކަންނުލިބުނަސް
05 Apr 2025

Advertisement

Advertisement