އެމްޑީޕީއާ ޑިމޮކްރެޓްސް ގުޅުމަކީ ތާއީދު ކުރައްވާނެ ކަމެއް ނޫން ކަމަށް އެ ޕާޓީގެ ކުރީގެ ޗެއާޕާސަން މޫސާ މަނިކު (ރީކޯ މޫސަ) ވިދާޅުވެއްޖެ އެވެ.
މޫސަ މިހެން ވިދާޅުވީ އެންމެ ރަނގަޅު ގޮތަކީ އެމްޑީޕީއާ ޑިމޮކްރެޓްސް އަލުން ގުޅުން ކަމަށް ކުރީގެ ރައީސް މުހައްމަދު ނަޝީދު ވިދާޅުވުމާއި ގުޅިގެންނެވެ.
އެކްސް ގައި ކުރެއްވި ޕޯސްޓެއްގައި މޫސަ ވިދާޅުވީ ސަރުކާރު ހިނގާ ޕާޓީއާއެކު ބަދަހިގުޅުމެއް އޮންނަ އެއްވެސް ސިޔާސީ ޕާޓީއަކާ އިދިކޮޅު އެމްޑީޕީއާ ގުޅުމަކީ އެ ޕާޓީ ގަބޫލުކުރާ ޑިމޮކްރަސީ ދަންނަ ކަމެއް ނޫން ކަމަށެވެ.
އަދި ވިދާޅުވީ ނިމިދިއަ ރިޔާސީ އިންތިހާބުގައި އެމްޑީޕީއަށް ގިނަވޯޓުތަކެެއް ގެއްލުވާލި ބަޔަކާ ގުޅުމުގެ ކުރިން ކޮންގްރެސް އެއް ބާއްވާ މެމްބަރުން ދެކޭގޮތް ހޯދާނެ ކަމަށެވެ.
ނަޝީދުގެ ހުށައެޅުއްވުމަށް އެމްޑީޕީގެ ޗެއާޕާސަން ތާއީދު ކުރެއްވުމުން އެކަމަށް ފާޑުވެސް ވިދާޅުވި އެވެ.
”އެމްޑީޕީގެ ޗެއާ އަކަށް ހުންމީހަކަށް ޕާޓީގެ އާއްމުމެމްބަރުންގެ ރޫހާއި ޚިލާފައް ވެރިކަންކުރާ ޕާޓީގެ ބައވެރިންނާ އެމްޑީޕީ އެއްގަލައް އެރުވުމުގެ އެއްވެސް ހައިސިއްޔަތެއް ނުލިބޭނެ،” ފައްޔާޒަށް ރައްދު ދެއްވާ މޫސަ ވިދާޅުވި އެވެ.
Advertisement
This content is created and paid for by advertisers and does not involve Voice Journalists
