ތިން ރަށެއްގައި ރިހެބިލިޓޭޝަން ސެންޓަރުތައް އެޅުމަށް ރޯޑް ޑިވެލޮޕްމަންޓް ކޯޕަރެޝަން (އާރުޑީސީ) އާ ހަވާލުކޮށްފިއެވެ.
މިކަމަށްޓަކައި ރޭ ބޭއްވި ރަސްމިއްޔާތެއްގައި ނެޝަނަލް ޑްރަގް އޭޖެންސީން ވަނީ، އާރުޑީސީއާ އެކު އެއްބަސްވުމުގައި ސޮއިކޮށްފައެވެ. ކޮމިޔުނިޓީ ބޭސްޑް ރިހެބިލިޓޭޝަން ސެންޓަރ އިމާރާތްކުރުމުގެ އެއްބަސްވުމުގައި އެންޑީއޭގެ ފަރާތުން ސޮއިކުރެއްވީ އެކްޓިން ސީއީއޯ މުހައްމަދު ރާޝިދު (ރާޑޯ) އެވެ. އާރްޑީސީގެ ފަރާތުން ސޮއިކުރެއްވީ މެނޭޖިން ޑިރެކްޓަރ ބްރިގޭޑިއާ ޖެނެރަލް ރިޓަޔާޑް އަލީ ޒުހެއިރު އެވެ.
މި އެއްބަސްވުމުގެ ދަށުން ރިހެބްތައް އެޅުމަށް ނިންމާފައިވަނީ، ނ.ވެލިދޫ، ކ.ކާށިދޫ އަދި ލ.ގަމުގައެވެ.
މަސްތުވާތަކެތީގެ ފަރުވާ ދިނުމުގެ ކަންކަން އަމިއްލަ ފަރާތްތަކަށް ދެވޭގޮތަށް ހުއްދަ ދިނުމަށް ސަރުކާރުން ވަނީ ނިންމާފައެވެ. މިހާޓަނަށް ތިން ތަނެއްގައި ރިހެބިލިޓޭޝަން ސެންޓަރުތައް ހިންގައެވެ. އެ ތިން ތަނަކީ މާލޭގެ އިތުރުން ހުޅުމާލޭ ހާފްވޭ ހައުސް އާއި، ކ.ހިންމަފުއްޓެވެ.
މަސްތުވާ ތަކެތީގެ މައްސަލައަކީ ރާއްޖޭގައި މިހާރު ޤައުމީ މައްސަލައެއްގެ ގޮތުގައި ފާހަގަކުރެވިފައިވާ މައްސަލައެކެވެ.
Advertisement
This content is created and paid for by advertisers and does not involve Voice Journalists
