އިމިގްރޭޝަންގެ ރަސްމީ ޚިދުމަތްދޭ ވަގުތައް ބަދަލު ގެނެސްފިއެވެ.

މީގެ ކުރިން އިމިގްރޭޝަނުން ޚިދުމަތް ދެމުންއައީ ހެނދުނު 8:00 އިން ހަވީރު 4:00އަށެވެ. 

ނަމަވެސް މިހާރު ވަނީ އެ ވަގުތު ކުރުކޮށް ސިވިލްސާވިސްގެ ރަސްމީ މަސައްކަތު ގަޑިއާ އެއްވަރުކޮށްފައެވެ.

އެކަން ހާމަކޮށް އިމިގްރޭޝަނުން އެކްސްގައި ކުރި ޕޯސްޓެއްގައި ބުނީ، އެ އިދާރާގެ ރަސްމީ މަސައްކަތު ގަޑި ސިވިލް ސަރވިސްގެ ރަސްމީ މަސައްކަތު ގަޑި ކަމުގައިވާ ހެނދުނު 8:00 އިން މެންދުރުފަހު 2:00 އަށް މިއަދުން ފެށިގެން ބަދަލުކޮށްފައުވާ ކަމަށެވެ. 

‏ނަމަވެސް، އެ އިދާރާއިން ދެމުންގެންދާ އެންމެހައި ޚިދުމަތްތައް މިހާރުވެސް ދެމުންދާ ގަޑިތަކުގައި، އާންމުންނަށް ލިބޭނެ ކަމަށް ބުނެފައުވެއެވެ.