މޯލްޑިވްސް ކަރެކްޝަނަލް ސަރވިސް (އެމްސީއެސް) ގެ ބެލުމުގެ ދަށުގައި ތިބި ގައިދީންނާއި ބަންދުމީހުންގެ އާއިލާތަކުގެ ތެރެއިން މާލީގޮތުން ދަތި ހާލުގައި ދިރިއުޅެމުންދާ 10 އާއިލާއަކަށް އެހީތެރިކަން ފޯރުކޮށްދީފި އެވެ.
ކަރެކްޝަނުން ބުނި ގޮތުގައި މިއީ ރޯދަ މަހާ ދިމާކޮށް ހިންގި ހަރަކާތެކެވެ.
މި ހަރަކާތުގައި ގައިދީންނާއި ބަންދުމީހުންގެ އާއިލާތަކުގެ ތެރެއިން މާލީގޮތުން ދަތި ހާލުގައި ދިރިއުޅެމުންދާ 10 އާއިލާއަކަށް ކޮންމެ އާއިލާއަކަށް 2،220 ރުފިޔާގެ މަގުން ވަނީ އެހީތެރިކަން ފޯރުކޮށްދީފަ އެވެ.
މި ޕްރޮގްރާމްގެ ދަށުން 40 އާއިލާއަކަށް އެހީތެރިކަން ފޯރުކޮށްދިނުމަށް ކަރެކްޝަނުން ނިންމި އެވެ. ނަމަވެސް އެހީއަށް އެދި ފޯމް ހުށަހަޅާފައިވަނީ ޖުމްލަ 21 އާއިލާއަކުންނެވެ. އަދި އޭގެ ތެރެއިން ކަނޑައެޅިފައިވާ ޝަރުތުތައް ހަމަވެފައިވަނީ ޖުމްލަ 10 އާއިލާ އަކަށް ކަރެކްޝަނުން ބުންޏެވެ.
މި އެހީއަށް ޝަރުތު ހަމަވަނީ ޖަލުގައި ހުކުމް ތަންފީޒުކުރަމުން ގެންދާތާ މަދުވެގެން 5 އަހަރު ހޭދަކޮށްފައިވުމާއި 18 އަހަރު ނުފުރޭ ކުދިން ތިބުމާއި އާމްދަނީ ލިބޭމިންވަރެވެ.
Advertisement
This content is created and paid for by advertisers and does not involve Voice Journalists
