ކަނޑުތައް ގަދަވެ، ބޯކޮށް ވާރޭވެހޭނެ ކަމަށް ލަފާކޮށް، ކ. އަތޮޅުން ލ. އަތޮޅާ ހަމައަށް ރީނދޫ ސަމާލުުވެސް ނެރެފައެވެ.
މެޓުން އެ އަތޮޅުތަކަށް ރީނދޫ ސަމާލު ނެރެފައި ވަނީ، ހެނދުނު 10:45 އިން މެންދުރު ފަހު 14:00ގެ ނިޔަލަށެވެ.
މެޓް އޮފީހުން ބުނީ އެ ވަގުތު ތަކުގައި އެ ސަރަހައްދަށް ބޯކޮށްވާރޭވެހި ވިލާގަނޑުގައި ގާތްގަނޑަކަށް 40 މޭލަށް ވައިގަދަ ވާނެ ކަމަށެވެ. އަދި ކަނޑުތައްވެސް ގަދަވާނެ ކަމަށެވެ.
އެހެންކަމުން، ހުރިހާ ފަރާތްތަކުންވެސް މޫސުމަށް ސަމާލުވުމަށް އެ އޮފީހުން ވަނީ އިލްތިމާސްކޮށްފައެވެ.
މާލެ އަތޮޅުން ފެށިގެން ލ އަތޮޅަށް ރީނދޫ ސަމާލު ނެރެފައުވާއިރު، ވެރިރަށް މާލެއަށް ބޯކޮށްވާރޭވެހުމުގެ ސަބަބުން ވަނީ މަގުތަކުގައި ފެންބޮޑުވެފައެވެ.
އަދި ފެންހިނދުމުގެ މަސައްކަތަށް ސިފައިން މަގުތަކަށް ނުކުމެފައިވާއިރު، ތިން ސަރަހައްދެއްގައި 7 ޕަންޕު ބޭނުން ކޮށްގެން ސިފައިން އަންނަނީ ފެން ހިންދުމަށް މަސައްކަތް ކުރަމުންނެވެ.
މީގެ އިތުރުން އެކި ސަރަހައްދު ތަކުގައި ވެލިބަސްތާ ޖެހުމުގެ މަސައްކަތްވެސް ސިފައިން އަންނަނީ ކުރަމުންނެވެ.
Advertisement
This content is created and paid for by advertisers and does not involve Voice Journalists
