ތައިލެންޑްގެ އިމިގްރޭޝަން އުސޫލުތަކަށް ގެނައި ބަދަލުތަކަކާ ގުޅިގެން ތައިލެންޑަށް ދަތުރުކުރާ ދިވެހީން ސަމާލުވާން ފޮރިން މިނިސްޓްރީން އިލްތިމާސް ކޮށްފި އެވެ.
އެ ގައުމުގެ އިމިގްރޭޝަން އުސޫލުތަކަށް ވަނީ ބަދަލު ގެނެސްފަ އެވެ. އެ ގޮތުން ކޮންމެ ޕެސެންޖަރަކު ތައިލެންޑަށް އެތެރެވުމުގެ ކުރިން "ތައިލެންޑް ޑިޖިޓަލް އެރައިވަލް ކާޑު" ފުރިހަމަ ކުރަންޖެހޭ ގޮތަށް ތައިލެންޑް އިމިގްރޭޝަނުން ވަނީ ހަމަޖައްސާފައެވެ. އަދި އެ އުސޫލަށް މިއަދުން ފެށިގެން އަމަލު ކުރަން ވަނީ ފަށާފަ އެވެ.
ފޮރިން މިނިސްޓްރީން މިއަދު ބުނީ ތައިލެންޑްގެ އިމިގްރޭޝަން އުސޫލުތަކަށް ބަދަލު ގެނެސްފައިވާ ކަމަށާ އެހެން ކަމުން އެ ގައުމަށް ދަތުރުކުރާ ދިވެހީން އެކަމަށް ސަމާލުވާން އެދޭ ކަމަށެވެ. އޮންލައިންކޮށް ފުރަން ޖެހޭ އެ ފޯމް ދަތުރު ފެށުމުގެ ތިން ދުވަސް ކުރީން ފުރުމަށް ވެސް ވަނީ އެދިފަ އެވެ.
މި ބަދަލު އައި ނަމަވެސް ރާއްޖެއާއި ތައިލެންޑްއާ ދެމެދު ހަމަޖެހިފައިވާ ވިސާގެ އެއްވެސް އިންތިޒާމަކަށް ނުވަތަ ސިޔާސަތަކަށް ބަދަލެއް ނާދެ އެވެ. އަދި ކުރިއެކޭ އެއްގޮތަށް ދިވެހިންނަށް މިހާރުވެސް 90 ދުވަހުގެ އެންޓްރީ ވިސާ ގައި ތައިލެންޑަށް ދަތުރު ކުރެވޭނެ އެވެ.
Advertisement
This content is created and paid for by advertisers and does not involve Voice Journalists
