ލާމު އަތޮޅުގެ ތ އަތޮޅުގެ ރަށްތަކާއި މާލެއާ ދެމެދު ދަތުރުކުރާ "ހޮޅުދޫ ބޯޓް" ގައި މި މަހުގެ ދެވަނަ ދުވަހުގެ ހިނގި ނުރައްކާތެެރި އަލިފާނުގެ ހާދިސާގައި ގެއްލުނު ޒުވާނާގެ މައްޗަށް މާދަމާ ކަށުނަމާދު ކުރަން ނިންމައިފި އެވެ.
މި ހިތާމަވެރި ހާދިސާގައި ގެއްލިފައި ވަނީ ލ. މާވަށު އަހިމާގެ, އުމުރުން 25 އަހަރުގެ އަލީ މުޝްފިޤް މުހައްމަދު ޝަރީފެވެ.
އެ ޒުވާނާ ހޯދުމަށް ޑައިވް ކޮށްގެންނާއި ކަނޑުމަތީން އަދިި ވައިގެ މަގުން ބޮޑު ސަރަހައްދެއް ވަނީ ބަލާފަ އެވެ. ނަމަވެސް މިހާތަނަށް ފެނިފައެއް ނުވެ އެވެ.
މާވަށު ކައުންސިލުން ބުނީ ޒުވާނާގެ މައްޗަށް މާދަަމާ ހުކުރު ނަމާދަށް ފަހު ޣައިބަަށް ކަށުނަމާދު ކުރުމަށް ހަމަޖެހިފައިވާ ކަމަށެވެ. ކަށުނަމާދު އޮތީ އެ ރަށު މަސްޖިދު ބިލާލުގަ އެވެ.
ކައުންސިލުން ވަނީ ޕޯސްޓެއް އާންމުކޮށް ވީހާވެސް ގިނަ ބަޔަކު ކަށުނަމާދުގައި ބައިވެރިވާން އެދިފަ އެވެ.
Advertisement
This content is created and paid for by advertisers and does not involve Voice Journalists
