ވީއައިއޭގެ އަހަރިދުވަސް، އެމްއޭސީއެލުން ފާހަގަކޮށްފިއެވެ.
ދިދަ ނެގުމުގެ ރަސްމިއްޔާތަކުން ފެށުނު މި މުނާސަބަތް ފާހަގަ ކުރީ ވެލާނާ އިންޓާރނޭޝަލް އެއަރޕޯރޓްގައެވެ.
މި ރަސްމިއްޔާތުގައި ވެލާނާ އިންޓަރނޭޝަލް އެއަރޕޯރޓްގެ މެނޭޖްމެންޓް، މުއައްޒަފުން އަދި އެ އެއަރޕޯރޓް ގެ ސްޓޭކްހޯލްޑަރޒް ހިމެނެއެވެ.
އަހަރީ ދުވަހުގެ މުނާސަބަތުގައި ޔުނިޓީ ހިންގާލުމެއް ބާއްވާފައިވާ އިރު 59 ފޫޓުގެ ކޭކެއް ވެސް ފަޅައިފާ ވެއެވެ.
އަހަރީ ދުވަސް ފާހަގަ ކުރުމަށްޓަކައި މުއައްޒަފުންނަށް ހާއްސަ ގާލާ ނައިޓް އެއް އަދި ހޭންޑްބޯލް މުބާރާތެއް ބޭއްވުމަށް ވެސް ވަނީ ހަމަޖެހިފައެވެ.
އެމްއޭސީއެލް ގެ ސީއީއޯ އަދި މެނޭޖިންގް ޑިރެކްޓަރ އިބްރާހިމް ޝަރީފް ވަނީ މި ހަފްލާ ވާހާކަފުޅު ދައްކަވާ ރައީސުލްޖުމްހޫރިއްޔާ ޑރ. މުހަންމަދު މުއިޢްޒު އަށް ތައުރީފް ކުރައްވާ ހަމަ އެހެންމެ ރައީސުލްޖުމްހޫރިއްޔާ އެ އެއަރޕޯރޓްގެ ތަރައްގީއަށްޓަކައި ދެއްވާ އަހަންމިޔަތުކަން ފާހަގަ ކުރައްވާ ޝުކުރު އަދާ ކުރައްވާފައެވެ.
ހަމައެހެންމެ އެއަރޕޯރޓް ގެ ކުރިއެރުމަށްޓަކައި ބޮޑެތި މަޝްރޫއު ތަކެއް ހިންގަމުން ދާކަން ފާހަގަ ކުރައްވާފައިވާއިރު ، ކޮންޓްރެކްޓަރުން ނިންމާނީ ފެސިލިޓީސް ކަމަށާއި އެތަން އޮޕެރޭޝަނަލައިޒް ކޮށް އޭގެ ފައިދާ ހޯދައިދޭން ތިބީ މުއައްޒަފުން ކަމަށް އޭނަ ވިދާޅުވިއެވެ. އަދި ވިދާޅުވެފައިވަނީ ގައުމަށްޓަކައި އަގުހުރި ޙިދުމަތްތަކެއް ކުރާ ބައެއްކަން ފާހަގަ ކުރައްވާ އެކަމަށްޓަކައި މުވައްޒަފުންނަށް ޝުކުރު އަދާކުރައްވާފައެވެ.
އިބްރާހިމް ޝަރީފް ވިދާޅުވެފައިވަނީ ކުރިއަށް މިއޮތް އަހަރަކީ ހިދުމަތްތައް ވަރަށް ބޮޑަށް ތަރައްގީ ވެގެންދާނެ އަހަރެއްކާމަށާއި ސްޓކް ހޯލްޑަރުންނާއި ފަސަންޖަރުން އުފާވާނޭ ފަދަ ޙިދުމަތް ތަކެއް އެއަރްޕޯރޓް އިން ދޭން މަސައްކަތް ކުރަން ޖެހޭ ކަމަށެވެ.
Advertisement
This content is created and paid for by advertisers and does not involve Voice Journalists
