މާދަމާއިން ފެށިގެން އުއްދޫއަށް ދަތުރުދެވޭނެ: ލޯކަލް ގަވަމެންޓް މިނިސްޓްރީ
މާދަމާއިން ފެށިގެން ދ. އުއްދޫ، މީހުން ދަތުރުދާ ރަށެއްގެ ގޮތުގައި ހުޅުވާލާނެކަމަށް ސިޓީސް، ލޯކަލް ގަވަމެންޓް އެންޑް ޕަބްލިކް ވޯކްސް މިނިސްޓްރީން ބުނެފި އެވެ.
މިއަދު އެ މިނިސްޓްރީއިން ކުރި އިއުލާނެއްގައި ބުނީ ރައީސުލްޖުމްހުރިއްޔާ ޑރ. މުޙައްމަދު މުޢިއްޒު ވިދާޅުވި ގޮތަށް މާދަމާއިން ފެށިގެން ދ. އަތޮޅުގެ ރައްޔިތުންނަށް ދަތުރު ދެވޭނެ ގޮތަށް އުއްދޫ ހުޅުވާލާފައިވާ ކަމަށެވެ. އިތުރަށް އެ އިއުލާނުގައި ބުނެފައިވަނީ، އުއްދޫއަށް ދަތުރުދެވޭނީ ހުކުރު، ހޮނިހިރު އަދި ސަރުކާރު ބަންދު ދުވަސްތަކުގައި ހެނދުނު 6 އިން ހަވީރު 6 އަށެވެ.
އެރަށަށް ދަތުރުދާ ރައްޔިތުން އެރަށް ސާފުތާހިރުކަމާއެކު ބާއްވައި ކަނޑައެޅިފައިވާ ޤަވައިދުތަކަށް ޢަމަލުކުރުމަށް މިނިސްޓްރީން ވަނީ އެދިވަޑައިގެންފައެވެ. މީގެ އިތުރުން، ދަތުރު ދާ މީހުން ހާއްސަ އިންތިޒާމުތަކެއް ހަމަޖައްސަން ބޭނުންވާނަމަ ދުރާލާ އެކަން ހިއްސާކުރުމަށް ވެސް މިނިސްޓްރީން ވަނީ އެދިފަ އެވެ. އެކަން ހިއްސާކުރަން ގުޅާނީ 9108899 / 7777848 ނަންބަރަށެވެ.
ދ. އުއްދޫއަކީ ދަތުރުދާ ރަށެއްގެ ގޮތުގައި ކަނޑައެޅުއްވީ ރައީސް މިދިޔަ ފެބްރުއަރީގައި އެމަނިކުފާނު ދ. އަތޮޅުގެ ރަށްތަކަށް ކުރެއްވި ދަތުރުފުޅެއްގައި އެ އަތޮޅު މީދޫއަށް ވަޑައިގެން ރައްޔިތުންނާ މުހާތަބު ކުރައްވަމުންނެވެ.
Advertisement
This content is created and paid for by advertisers and does not involve Voice Journalists
