މާލޭގެ މަގުމަތީގައި ތޫނު އެއްޗަކުން ހަމަލާދީ ނޭޕާލް ފިރިހެނަކު ޒަޚަމްކޮށްލައިފިއެވެ.  

ފުލުހުން ބުނީ، ރޭ 23:58 ކަންހާއިރު މާލޭގެ ކުރީކީލަ މަގުގައި ތޫނު އެއްޗަކުން ހަމަލާދީ ނޭޕާލް ފިރިހެނަކު ޒަޚަމްކޮށްލާފައިވާކަމަށް ރިޕޯޓް ކޮށްފައިވާ ކަމަށެވެ. 

އަދި މި ހާދިސާގައި އަނިޔާވެފައިވާ ނޭޕާލް ފިރިހެނާއަށް ފަރުވާދިނުމަށް އައި.ޖީ.އެމް ހޮސްޕިޓަލަށް ގެންގޮސްފައިވާ ކަމަށް ފުލުހުން ބުނެފައިވެއެވެ.

Advertisement

އަނިޔާވި މީހާގެ ހާލަތު ސީރިއަސް ނޫން ކަމަށް ހޮސްޕިޓަލާ ހަވާލާދީ ފުލުހުން ބުނެފައިވެއެވެ.

މި މައްސަލަ ފުލުހުން ދަނީ ތަޙްޤީޤު ކުރަމުންނެވެ.