ހއ. އިހަވަންދޫ "ކާފާ މާމަ މައިޒާން" ތަރައްޤީ ކުރުމުގެ މަސައްކަތުގައި ރޯޑް ޑިވެލޮޕްމަންޓް ކޯޕަރޭޝަން (އާރުޑީސީން) ހަރަކާތްތެރިވާން ފަށައިފިއެވެ.
މިކަމާ ގުޅޭގޮތުން އާރުޑީސީން އެކްސްގައި ކުރި ޕޯސްޓެއްގައި ބުނެފައިވަނީ، އެކުންފުނީގެ އިޖުތިމާއީ ޒިންމާގެ ދަށުން ހއ. އިހަވަންދޫގެ "ކާފާ މާމަ މައިޒާން" ތަރައްޤީ ކުރުމުގެ މަޝްރޫއުއަށް އެހީތެރިކަން ދޭން ފަށާފައިވާކަމަށެވެ. މިގޮތުން އާރުޑީސީގެ އެހީގެ ދަށުން ކޮންކްރީޓް ކީ ވޯލް އެޅުމާއި، ދުވާރުގެ މަސައްކަތް އަދި އެ ސަރަޙައްދު ސާފުކޮށް ލެވެލްކުރުމުގެ މަސައްކަތް ކުރަމުންދާކަމަށް އެކުންފުނިން ބުނެއެވެ.
މި މަސައްކަތުގެ އިތުރުންވެސް އާރުޑީސީން ދަނީ އިހަވަންދޫގެ މަގުތައް ޒަމާނީ ފެންވަރަށް ހެދުމުގެ މަސައްކަތް ކުރަމުންނެވެ.
އިހަވަންދޫގައި ތަރައްޤީކުރަމުންދާ ކާފަ މާމަ މައިޒާން ތަރައްޤީކުރުމަށް 380،000 ރުފިޔާ ހަރަދުވާނޭކަމަށް އެމަސައްކަތް ހަވާލުކޮށްފައިވާ ކްލަބް ޕޯލްސްޓަރ އިން ވަނީ ކުރިން ބުނެފައެވެ. މިއީ 2023 ވަނަ އަހަރު އެޖަމިއްޔާއާ ހަވާލުކުރެވުނު މަސައްކަތެކެވެ.
Advertisement
This content is created and paid for by advertisers and does not involve Voice Journalists
