ސާޅީސް ސްޕެޝަލިސްޓް ޑޮކްޓަރުންނާއި 70 ބިދޭސީ ނަރުހުން ހޯދަން ހެލްތް މިނިސްޓްރީން މިއަދު އިއުލާނު ކޮށްފި އެވެ.

ހެލްތް މިނިސްޓްރީން ބުނީ ގިނަ އަދަދެއްގެ ބިދޭސީ ޑޮކްޓަރުންނާއި ނަރުހުން ހޯދަނީ އެ މިނިސްަޓްރީގެ ދަށުން ހިންގާ ހޮސްޕިޓަލްތަކާއި މަރުކަޒުތަކަށް ކަަމަށެވެ. ސްޕެޝަލިސްޓް 40 ޑޮކްޓަރުން ހޯދަނީ 8 ދާއިރާައަކުންނެވެ.

އެއީ ކުޑަކުދިންގެ ބަލިތަކަށް ހާއްސަ ޑޮކްޓަރުންނާއި އަންހެނުންގެ ބަލިތަކަށް ހާއްސަ ޑޮކްޓަރުން އާއިޮ ސާޖަރީއަށް ހާއްސަ ޑޮކްޓަރުންގެ އިތުރުން ލޮލުގެ ބަލިތަކަށް ހާއްސަ ޑޮކްޓަރުންނާއި ފިޒީޝަނުންނާއި ކަށީގެ ބަލިތަކަށް ހާއްސަ ޑޮކްޓަރުންނާއި ރޭޑިއޮލޮޖިސްޓުންގެ އިތުރުން ހޭނެއްތުމަށް ހާއްސަ ޑޮކްޓަރުންނެވެ.

Advertisement

ސްޕެޝަލިސްޓް ޑޮކްޓަރުންގެ އަސާސީ މުސާރައަކީ 30،990 ރުފިޔާއެވެ. އެލަވަންސްތަކާ އެކު ޖުމްލަ މުސާރައަކީ އިތުރުގަޑި ނުހިމަނައި 51،000 ރުފިޔާ އެވެ. 

ސްޕެޝަލިސްޓް ޑޮކްޓަރުންގެ ޝަރުތުތަކުގެ ތެރޭގައި މަދުވެގެން އެއް އަހަރު ދުވަހު މަސައްކަތް ކުރުން ހިމެނެއެވެ.

ނަރުހުންގެ ޝަރުތުތަކުގެ ތެރޭގައި ޑިގްރީއެއް އޮތުމާއެކު މިޑްވައިފް ނުވަތަ ސައިކޭޓްރީ ދާއިރާއިން މަދުވެގެން ދެ އަހަރުގެ މަސައްކަތުގެ ތަޖުރިބާ ހުރުން ލާޒިމެވެ.

ނަރުހުންގެ އަސާސީ މުސާރައަކީ 9060 ރުފިޔާއެވެ.

ބިދޭސީ ޑޮކްޓަރުން ހޯދުމަށް އިއުލާނުކުރީ އެ މަގާމްތަކަށް ބޭނުންވާ ވަރަށް ދިވެހިން ނުލިބުމުން ކަމަށް ވެސް ބުންޏެވެ.