މިއަހަރުގެ މިހާތަނަށް އާއިރު ދައުލަތުގެ ބަޖެޓް އަރަނި، 2.2 ބިލިއަން ރުފިޔާއަށް އިތުރުވެފައިވާކަމަށް މާލީ ވުޒާާގެ ތަފާސްހިސާބުތަކުން ދައްކައިފިއެވެ.

ފިނޭންސް މިނިސްޓްރީން އާއްމުކުރަމުން އަންނަ ކޮންމެ ހަފްތާއެއްގެ ދައުލަތުގެ ބަޖެޓް ހަރަދުބަރަދު ރިޕޯޓްތަކުން ދައްކާގޮތުގައި މިދިޔަ ބްރާސްފަތި ދުވަހުގެ ނިޔަލަށް ދައުލަތަށް ލިބުނު އެއްޗެއްގެ ނިސްބަތަށް ބަލައި، ކުރި ހަރަދުތައް އުނިކުރުމަށްފަހު ބަޖެޓްގެ އަރަނި ނުވަތަ ސާޕްލަސް ހުރީ 2.2 ބިލިއަން ރުފިޔާގައެވެ. މިދިޔަ އަހަރުގެ މި މުއްދަތަށް ބަލާއިރު، ދައުލަތުގެ ބަޖެޓްހުރީ 1.6 ބިލިއަން ރުފިޔާގެ ޑެފިސިޓެއްގައެވެ.

މާލީ ވުޒާރާއިން އާއްމުކުރި ތަފާސްހިސާބަށް ބަލާއިރު، މިމަހުގެ 17 ވަނަ ދުވަހުގެ ނިޔަލަށް ދައުލަތަށް ޖުމްލަ އާމްދަނީގެ ގޮތުގައި 11.7 ބިލިއަން ރުފިޔާ ވަނީ ލިބިފައެވެ. އެއީ މިދިޔަ އަހަރުގެ މި މުއްދަތާ އަޅާބަލާއިރު، 700 މިލިއަން ރުފިޔާގެ އިތުރުވުމެކެވެ. 

Advertisement

- ޓީޖީއެސްޓީ: 3.7 ބިލިއަން ރުފިޔާ

- ގްރީންޓެކްސް: 572.5 މިލިއަން ރުފިޔާ

- އެއާޕޯޓް ޑިވެލޮޕްމަންޓް ފީ: 452.6 މިލިއަން ރުފިޔާ

މިއަހަރުގެ މިހާތަނަށް ދައުލަތުގެ ހަރަދުތައް ހުރިގޮތަށް ބަލާއިރު، މިމަހުގެ 17 ވަނަ ދުވަހުގެ ނިޔަލަށް ކުރި ހަރަދު އުޅެނީ 9.5 ބިލިއަން ރުފިޔާގައެވެ. މިދިޔަ އަހަރުގެ މި މުއްދަތުގެ ތެރޭގައި ދައުލަތުގެ ހަރަދުތައް ހުރީ 12.7 ބިލިއަން ރުފިޔާގައެވެ. އަދި ކެޕިޓަލް ހަރަދުތައް ހުރީ 

ފިނޭންސްގެ ތަފާސްހިސާބުތަކަށް ބަލާއިރު އަހަރުގެ މިހާތަނަށް އެންމެބޮޑު ހަރަދެއް ހިނގާފައިވަނީ ސަބްސިޑީތަކަށެވެ. 

- މުސާރަ/އެލަވަންސް އަދި ޕެންޝަން: 3.6 ބިލިއަން ރުފިޔާ

- އިދާރީ ހަރަދުތަކަށް: 5.2 ބިލިއަން ރުފިޔާ

ތަފާސްހިސާބުތަކަށް ބަލާއިރު، މިދިޔަ އަހަރާ އަޅާބަލާއިރު، މިއަހަރުގެ މިހާތަނަށް ދައުލަތުގެ އިދާރީ ހަރަދުތައް ވަނީ ދަށްވެފައެވެ. އަހަރުގެ މިހާތަނަށް އިދާރީ ހަރަދުތައް 5.2 ބިލިއަން ރުފިޔާގައި ހުރިއިރު، މިދިޔަ އަހަރުގެ މި މުއްދަތުގެ ތެރޭގައި އިދާރީ ހަރަދުތައް އުޅެނީ 6.1 ބިލިއަން ރުފިޔާގައެވެ.