އިންޑިއާގެ އަވަށެއް ކަމުގައިވާ ޕަހަލްގަމްއަށް ނިރުބަވެރި ޖަމާޢަތަކުން ދިން ނުރައްކާތެރި ހަމަލާގައި މަރުވި މީހުންނަށާއި ޒަޙަމްވި މީހުންނާއި އެމީހުންގެ އާއިލާތަކަށް ރައީސުލްޖުމްހުރިއްޔާ ޑރ.މުޙައްމަދު މުޢިއްޒު ތައުޒިޔާ ވިދާޅުވެއްޖެއެވެ.
އެމަނިކުފާނުގެ ރަސްމީ އެކްސް އެކައުންޓުގައި ކުރެއްވި ޕޯސްޓެއްގައި ވިދާޅުވީ، މި ޚަމަލާގެ އަޑު އެއްސެވީ ނުހަނު ފުން ހިތާމައާކާއި ކުއްލި ހައިރާންކަމާއެކުގައިކަމަށެވެ.
ދިވެހި ސަރުކާރުން އަބަދުވެސް މިފަދަ ނިރުބަވެރި އަމަލުތަކާ ދެކޮޅުވެރިވާނެ ކަމަށް ރައީސް ވިދާޅުވިއެވެ. އަދި މިފަދަ އަމަލުތަކާ ދެކޮޅަށް ކުރާ މަސައްކަތުގައި ސާބިތުކަމާއެކު ދެމި ހުންނަވާނެކަމުގެ ޔަޤީންކަން ވެސް އެމަނިކުފާނު ދެއްވިއެވެ.
މި ދަތި އުނދަގޫ ވަގުތުގައި އަޅުގަނޑުމެންގެ ފިކުރުތައް ވަނީ، އަނިޔާ ލިބުނު މީހުންނާއި އެ މީހުންގެ އާއިލާތަކާއެކުގައި
ރައީސް ޑރ.މުއިއްޒު
ޕަހަލްގާމްގައި ޓޫރިސްޓުންނަށް އަމާޒުކޮށް ބަޑިން ދިން ހަމަލާތަކެއްގައި ވަނީ 24 މީހުން މަރުވެފަ އެވެ. އިންޑިއާގެ ފުލުހުންގެ އިސް އޮފިޝަލަކު އޭއެފްޕީއަށް ވިދާޅުވި ގޮތުގައި، މިއީ ފަހުގެ ތާރީހެއްގައި އާންމުންނަށް އަމާޒުކޮށް، މުސްލިމުންގެ އާބާދީއަށް ދިން އެންމެ ނުރައްކާތެރި ހަމަލާ އެވެ.
Advertisement
This content is created and paid for by advertisers and does not involve Voice Journalists
