ލާމު އަތޮޅު ކައުންސިލުގެ ރައީސްއާއި އެކައުންސިލުގެ މެމްބަރުން މިއަދު ރޯޑް ޑިވެލޮޕްމެންޓް ކޯޕަރޭޝަންގެ އިސްވެރިންނާ ބައްދަލުވުމެއް ބާއްވައިފިއެވެ.

މި ބައްދަލުވުމުގައި އާރްޑީސީގެ މެނޭޖިންގ ޑައިރެކްޓަރ ބްރިގޭޑިއަރ ގެނެރަލް (ރޓ) އަލީ ޒުހައިރު ބައިވެރިވެ ވަޑައިގެންނެވިއެވެ. 

ފޮޓޯ: އާރްޑީސީ

މި ބައްދަލުވުމުގައި އާރްޑީސީއިން ލާމު އަތޮޅުގައި ހިންގަމުންދާ މަޝްރޫއުތަކާއި ގުޅޭގޮތުން މަޝްވަރާ ކުރެވުނެވެ. 

އާރްޑީސީއިން ދަނީ ސަރުކާރާ ގުޅިގެން ރާއްޖޭގެ މަގުތައް ހެދުމުގެ ގިނަ މަސައްކަތްތަކެއް ކުރަމުންނެވެ. އެގޮތުން ލާމު އަތޮޅުގައި ވެސް ބޮޑެތި މަގުތައް ހެދުމުގެ މަޝްރޫޢުތައް ދަނީ ހިންގަމުންނެވެ.