ނ. ވެލިދޫގައި ޤާއިމްކުރެވޭ ކޮމިޔުނިޓީ ބޭސްޑް ރިހެބިލިޓޭޝަން ސެންޓަރު މަރާމާތު ކުރުމުގެ މަޝްރޫއުގެ މެދު ނުކެނޑި ހަލުވިކަމާއެކު ކުރިއަށްދާ ކަމަށް އެ މަޝްރޫއުގެ ކޮންޓްރެކްޓާރ ރޯޑް ޑިވެލޮޕްމެންޓް ކޯޕަރޭޝަން (އާރްޑީސީ) އިން ބުނެފިއެވެ.
އެ ކޯޕަރޭޝަނުން އެކްސްގައި ކުރި ޕޯސްޓެއްގައި ބުނީ، މި މަޝްރޫޢުގެ ދަށުން މިހާރު ކުރިއަށްދަނީ ފައުންޑޭޝަން ކޮންކްރީޓް ލީން އަދި ފެންސު ޖެހުމުގެ މަސައްކަތް ކަމަށެވެ.
ރިހެބިލިޓޭޝަން ސެންޓަރުގެ މަސައްކަތް އެ ކުންފުންޏާ ހަވާލުކޮށްފައިވަނީ މިދިޔަ މާރިޗު މަހުގެ 29 ވަނަ ދުވަހުއެވެ. އަދި މި މަހުގެ 10 ވަނަ ދުވަހު ވަނީ ރިހެބިލިޓޭޝަން ސެންޓަރު އެޅުމަށް ބޭނުންވާ ސާމާނު ވެލިދުއަށް ގެންގޮސްފައެވެ.
ވެލިދޫގައި ރިހެބިލިޓޭޝަން ސެންޓަރެއް އަޅައިދިނުމަކީ ރައީސުލްޖުމްހުރިއްޔާގެ ރިޔާސީ ވަޢުދުފުޅެކެވެ. އެމަނިކުފާނުގެ އެވަޢުދު ވެވަޑައިގަތީ، ނ އަތޮޅަށް ކުރެއްވި، ރިޔާސީ ކެމްޕޭނު ދަތުރުފުޅުގައި ނ ވެލިދޫއަށް ވަޑައިގެން އެ ރަށުގައި ބޭއްވި ރިޔާސީ ކެމްޕޭނު ޖަލްސާގައި ރައްޔިތުންނާ ވާހަކަފުޅު ދައްކަވަމުން ނެވެ.
Advertisement
This content is created and paid for by advertisers and does not involve Voice Journalists
