ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑްގެ ބޯޑު މެންބަރު ކަމުގެ މަގާމުގައި ހުންނެވި މއ. ވޭސައިޑް އަހްމަދު އަލީ އެ މަގާމުން އިސްތިއުފާ ދީފި އެވެ.

ޕީސީބީން މިއަދު ބުނީ އަހްމަދު އިސްތިއުފާ އިއްޔެ ހުށައަޅާފައިވާ ކަމަށެވެ. އޭނާގެ އިސްތިއުފާ ގަބޫލުކޮށް އެ މަގާމުން އަހްމަދު ވަކި ކޮށްފައިވާ ކަމަށް ވެސް ބުންޏެވެ.

އަހްމަދު އެ މަގާމަށް އައްޔަނު ކުރީ އޮގަސްޓް 21, 2024 ގަ އެވެ. 

Advertisement

އަހްމަދު އަލީ އަކީ މީރާގެ ކުރީގެ އެސިސްޓެންޓް ކޮމިޝަނަރު ޖެނެރަލްގެ މަގާމު ފުރުއްވާފައިވާ ބޭފުޅެކެވެ. އަހްމަދު ވަނީ އިސްލާމިކް ބޭންކުގެ ބޯޑް މެންބަރު ކަމާއި އެސްއެންޑްއޭ ލޯޔާސް އެލްއެލްޕީގެ ސީނިއާ ޕާޓްނަރު ޓެކްސްގެ މަގާމު ވެސް ފުރުއްވާފަ އެވެ. އޭނާ ވަނީ އެކައުންޓިން ޑިގްރީ ހާސިލު ކުރައްވާފަ އެވެ. އަދި ޝަރިއާ އިން ލޯ އިން ބެޗެލާސް ހާސިލު ކުރައްވާފަ އެވެ. މާސްޓާސް ހެއްދެވީ ސައިންސް އިން ފައިނޭންސިންގެ ދާއިރާ އިންނެވެ.

މީގެ ކުރީން ޑިވެލޮޕްމަންޓް ބޭންކް އޮފް މޯލްޑިވްސްގެ ސީއީއޯ ރޮބަޓް ޑުނިއެލް ކާންޓް ވެސް ވަނީ އިސްތިއުފާ ދެއްވާފަ އެވެ.