ރަސްފަންނު މޫދަށް މިއަދު ކަޅު ތެޔޮ އެޅިފައިވާތީ އެ ސަރަހައްދަށް މޫދަށް ނޭރެން ފުލުހުން އެދިއްޖެއެވެ.
ފުލުހުން އެކްސްގައި ކުރި ޕޯސްޓެއްގައި ބުނެފައިވަނީ، ރަސްފަންނު މޫދަށް ކަޅުތެޔޮ އެޅިފައިވާތީ، އެ މައްސަލައެއް ބަލަމުން އަންނަ ކަމަށެވެ. އަދި އެކަމާ ގުޅިގެން ކަމާ ބެހޭ އިދާރާތަކާއި އެކު ފުލުހުންގެ އޮފިސަރުން އެ ސަރަހައްދު ބަލަހައްޓައި، މައްސަލަ ތަހުގީގު ކުރަމުން އަންނަ ކަމަށް ވެސް ފުލުހުން ވަނީ ބުނެފައެވެ.
އެހެންނަމަވެސް، އެ ސަރަހައްދަށް ކަޅުތެޔޮ އެޅިފައިވާ ވަކި ސަބަބެއް ފުލުހުން ނުބުނެއެވެ.
ރަސްފަންނު ސަރަހައްދު މޫދަށް މީގެ ކުރިންވެސް ކަޅުތެއޮ އެޅުމުގެ މައްސަލައެއް ފެންމަތިވިއެވެ. ކަނޑުގެ އޮޔާއި ވައި ހުންނަގޮތުން ބައެއް ފަހަރަށް އެ ސަރަހައްދަށް ތެލާއި ކުނިބުނި ޖަމާވާކަމަށް އެމްއެންޑީއެފުން މީގެ ކުރިން ވަނީ ފާހަގަކޮށްފައެވެ.
Advertisement
This content is created and paid for by advertisers and does not involve Voice Journalists
