ކަރަންޓު ވިއުގަ އަޕްގްރޭޑް ކުރުމުގެ މަސައްކަތާ ގުޅިގެން ހުޅުމާލޭގެ ބައެއް ސަރަހައްދުތަކުން ވަގުތީގޮތުން ކަރަންޓު ކެނޑިދާނެ ކަމަށްސްޓޭޓް އިލެކްޓްރިކް ކޮމްޕެނީ (ސްޓެލްކޯ) އިން ބުނެފިއެވެ.

ސްޓެލްކޯއިން އެކްސްގައި ކޮށްފައި އިން ޕޯސްޓްގައި ބުނެފައިވާ ގޮތުން، ކަރަންޓު ވިއުގަ އަޕްގްރޭޑް ކުރުމުގެ މަސައްކަތާ ގުޅިގެން، މާލެ ސިޓީ، ހުޅުމާލެ ފޭސް 1، ފިތުރޯނުމަގު، ޗާންދަނީމާ ހިނގުން، ފަށުވިމާ ހިނގުން، ހުޅުމާލެ ފެރީ ޓާމިނަލް އަދި ލޯކަލް މާރުކޭޓު ހިމެނޭ ސަރަހައްދުތަކަށް މިއަދު މެންދުރުފަހު 14:00 އާއި 15:00 އާ ދެމެދު ކަރަންޓުގެ ޚިދުމަތް މެދުކެނޑިގެން ދިޔުން އެކަށީގެންވެއެވެ. 

އަދި، އެކްސްގައި ސްޓެލްކޯއިން ކޮށްފައިވާ އިތުރު ޕޯސްޓެއްގައި ހިއްސާ ކޮށްފައި ވަނީ ހުޅުމާލޭގެ ދެވަނަ ފިޔަވަހީގެ ހިޔާ ޓަވަރުތަކުގައި އެ ކުންފުނިން ކުރަންޖެހޭ މުހިންމު މަސައްކަތްތައް އެކި ދުވަސްތަކަށް ބަހާލައިގެން ކުުރުމަށް ތާވަލުކުރެވިފައިވާ ކަމަށާއި، ހިޔާގެ 15ވަނަ ޓަވަރުގައި މި މަސައްކަތް ކުރުމަށް ހަމަޖެހިފައިވަނީ 29 އެޕްރީލް 2025 ވާ އަންގާރަ ދުވަހު (މިއަަދު) ކަމަށެވެ.

އެހެންކަމުން ހެނދުނު 9:00 އިން ހަވީރު 17:00 އާ ދެމެދު، އެ ޓަވަރުން ކަރަންޓުގެ ޚިދުމަތް މެދުކެނޑުމަކީ އެކަށީގެންވާ ކަމެއް ކަމަށާއި، މަސައްކަތް ކުރިއަށް ގެންދާ ވަގުތު އެ ޓަވަރުގެ ކޮންމެ އެޕާޓްމަންޓަކުންވެސް ގާތްގަނޑަކަށް 30 މިނެޓަށް ކަރަންޓު ކެނޑިދާނެ ކަމަށް ސްޓެލްކޯއިން ބުނެފައިވެއެވެ.