ދ.ކުޑަހުވަދޫގެ މަގުތައް ޒަމާނީ ފެންވަރަށް ތަރައްޤީކުރުމަށް ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އިން ފަށާފައިވާ މަސައްކަތްތައް ހަމަޖެހިފައިވާ ތާވަލާ އެއްގޮތަށް ކުރިއަށްދާކަމަށް އެކުންފުނިން ބުނެފިއެވެ.

އާރުޑިސީން ވަނީ ކުދަހުވަދޫ މަގުތައް ތަރައްޤީކުރުމަށް ކުރަމުންގެންދާ މަސައްކަތުގެ އެންމެ ފަހުގެ މައުލޫމާތު އެކްސްގައި ހިއްސާކޮށްފައެވެ. މިގޮތުން އެރަށު އޯކިޑް މަގު އަދި ފަރީދީ މަގުގައި ކާރބް ސްޓޯން ޖެހުމުގެ މަސައްކަތް އަންނަނީ ކުރަމުން އަންނަ ކަމަށް ބުންޏެވެ. އަދި އާކުރި މަގުގައި ކޭބަލް ޖަންކްޝަން ބެހެއްޓުމަށް މަގު ކޮނުމާއި ހޮޅި އެޅުމުގެ މަސައްކަތް ވެސް އަކުރަމުން އަންނަކަމަށް އެކުންފުނިން ބުނެއެވެ.

އާރުޑިސީން ވަނީ މީގެ ކުރިން އެރަށު ދޮށިމޭނާ މަގުގައި ސްޓޯމް ވޯޓާ ލައިން އެޅުމުގެ މަސައްކަތްކޮށްފައެވެ. އަދި ސްޓޯމް ވޯޓާ ޓޭންކް ބެހެއްޓުމުގެ މަސައްކަތްތައް ވެސް ވަނީ ކޮށްފައެވެ. 

އާރުޑީސީން ދަނީ ރަށްރަށުގެ ހުއްޓިފައިވާ މަގުތައް ހެދުމުގެ މަސައްކަތާއި ނަރުދަމާގެ މަސައްކަތްތައް ކުރަމުންނެވެ. މި ސަރުކާރު ވެރިކމަާ ހަވާލުވިއިރު ގިނަ އަދަދެއްގެ ރަށްރަށުގެ އުމްރާނީ މަސައްކަތްތައް ހުއްޓިފައިވާއިރު، ސަރުކާރުން މިހާރު ގެންދަނީ ހުއްޓިފައިހުރި ގިނަ މަޝްރޫޭޢުތަކުގެ މަސައްކަތްތައް ފެށުމަށް ތައްޔާރުވަމުންނެވެ.