ހޮޓެލް އޭޝިއާ އެގްޒިބިޝަންގައި ބޭއްވި ޚާއްޞަ ހަފުލާއެއްގައި އެސްޓީއޯ ޖެނެރަލް ޓްރޭޑިންގުން އިންޑިއާގެ މަޝްހޫރު ކިރުގެ ބްރޭންޑެއް ކަމުގައިވާ އަމުލްގެ އުފެއްދުންތައް މިއަދު ރާއްޖޭގެ ބާޒާރަށް ނެރެފިއެވެ.
އެ ހަފުލާގައި އަމުލް ބްރޭންޑުގެ އުފެއްދުންތައް ތަޢާރަފުކޮށްދެއްވީ އެސްޓީއޯގެ އެކްސްކޯ މެންބަރުންނެވެ.
މިއަދުން ފެށިގެން ކިރާއި ބަޓަރާއި ޗީޒް އަދި އައިސްކްރީމްގެ އެކި ބާވަތްތައް އެސްޓީއޯ ޕީޕަލްސް ޗޮއިސް އިން ގަންނަން ލިބޭނެއެވެ.
މީގެ އިތުރުން އެގްޒިބިޝަންގައި ހުރި އެސްޓީއޯގެ ސްޓޯލުން އަމުލް ބޭނުންކޮށްގެން ތައްޔާރުކޮށްފައިވާ ފޮނި ކާތަކެއްޗާއި އައިސްކްރީމް ވެސް ލިބެން ހުންނާނެއެވެ.
އާނަންދު މިލްކް ޔޫނިއަން ލިމިޓެޑްގެ ނަމުން ނަން ނެގޮސްފައިވާ އަމުލް އަކީ އިންޑިއާގައި ކިރުގެ އުފެއްދުންތަކަށް ޚާއްޞަ ބޮޑު ބްރޭންޑެކެވެ.
ދުނިޔޭގެ ފެންވަރުގައި ވެސް އެ ބްރޭންޑު މަޝްހޫރުވެފައި އޮތީ "ދަ ޓޭސްޓް އޮފް އިންޑިއާ" ގެ ގޮތުގައެވެ.
އެގްޒިބިޝަންގައި އެސްޓީއޯ ސްޓޯލަށް ޒިޔާރަތްކުރާ ފަރާތްތަކަށް ޕްރޮމޯޝަނަލް ހަރަކާތްތަކެއް ވެސް ރާވާފައިވެއެވެ.
އެ ގޮތުން "ރެޖިސްޓާ އެންޑް ވިން" ގެ ނަމުގައި ކުރިއަށް ގެންދާ ހަރަކާތުގައި ސްޓޯލުގައި ރަޖިސްޓަރީ ކުރާ ފަރާތްތަކުގެ ތެރެއިން ކޮންމެ ދުވަހަކު ވެސް ނަސީބުވެރި ފަރާތެއް ހޮވައި އިނާމު ދޭނެއެވެ.
"ފޮލޯ އެންޑް ވިން" ގެ ނަމުގައި ކުރިއަށް ގެންދާ ހަރަކާތުގެ ދަށުން އެސްޓީއޯ ޕީޕަލްސް ޗޮއިސް ޕޭޖް ފޮލޯ ކުރާ ފަރާތްތަކުގެ ތެރެއިން ނަސީބުވެރި ފަރާތަކަށް ޑިޝްވޮޝަރެއް ލިބޭނެއެވެ.
ހޮޓެލް އޭޝިއާ އެގްޒިބިޝަން ކުރިއަށް ދާނީ މި މަހުގެ 28 އިން 30 ގެ ނިޔަލަށް ހުޅުމާލެ ސިންތެޓިކް ޓްރެކްގައެވެ.
Advertisement
This content is created and paid for by advertisers and does not involve Voice Journalists
