އަދާލަތާ ގުޅެން މިނިސްޓަރު ޝަހީމް ފޯމް ހުށައަޅުއްވައިފި
އިސްލާމިކް މިނިސްޓަރު ޑރ. މުޙައްމަދު ޝަހީމް އަލީ ސައީދު އަދާލަތު ޕާޓީއާ ގުޅިވަޑައިގަތުމަށް ފޯމް ހުށައަޅުއްވައިފި އެވެ.
“މާތް ﷲ ގެ ޙަޟްރަތުން ވާގި އެދި އަދާލަތު ޕާޓީއަށް މެންބަރުކަމުގެ ފޯމް ހުށަހަޅައިފިން,” ފޭސްބުކްގައި ކުރެެއްވި ޕޯސްޓެއްގައި ޝަހީމް ވިދާޅުވި އެވެ.
ވޮއިސްއާ ވާހަކަ ދައްކަވަމުން މިނިސްޓަރު ވިދާޅުވީ އަދާލަތުގެ ސީނިއާާ އެއް މުއައްސިސްގެ ހައިސިއްޔަތުން އަހަރުތަކެއް ވަންދެން އެމަނިކުފާނު ހިދުމަތްކުރި އަދާލަތު ޕާޓީއަށް އަލުން ވަނުމަށް ނިންމާ މިއަހަރު ފަހުކޮޅުގައި އެ ޕާޓީގެ އާ ރައީސަކު ހޮވުމަށް ބާއްވާ އެތެރޭގެ އިންތިހާބުގައި ވާދަކުރައްވާނެ ކަމަށެވެ.
މިނިސްޓަރުގެ އެ ނިންމެވުމަށް އަދާލަތު ޕާޓީގެ ވެރީންނާއި ވަރަށް ގިނަ އާންމު މެންބަރުން ވަނީ މަރުހަބާ ކިޔާފަ އެވެ.
އަދާލަތު ޕާޓީ އުފެއްދުމުގައި އެންމެ އިސް ދައުރެއް އަދާކުރެއްވި އެއް ބޭފުޅަކީ މިނިސްޓަރު ޝަހީމެވެ. އަދާލަތުގެ ރަން ދުވަސްތަކުގައި އެ ޕާޓީ ހިންގުމުގައި ވެސް ޝަހީމްގެ ދައުރު ބޮޑެވެ. އެ ޕާޓީއަށް ރައްޔިތުން ކުުރި އިތުބާރު ގެއްލި ޕާޓީގެ ރަން ދުވަސްތައް ގެއްލުނީ އެ ޕާޓީގެ ރައީސް ކަމަށް މިހާރުގެ ރައީސް އިމްރާން ވަޑައިގަތް ފަހުންނެވެ.
މިދިޔަ ދުވަސްތަކުގައި އެ ޕާޓީން ގިނަ މެންބަރުންތަކެއް ވަނީ ވަކިވެފަ އެވެ. އަދި އެ ޕާޓީ އުފެއްދުމުގައި އިސްކޮށް ހަރަކާތްތެރިވި ވަރަށް ގިނަ އިލްމުވެރީން ވެސް ވަނީ އަދާލަތުން ވަކިވެވަޑައިގެންފަ އެވެ.
Advertisement
This content is created and paid for by advertisers and does not involve Voice Journalists
