ފ.މަގޫދޫ ރައްޔިތުން އެމްޑީޕީއަށް ސަޕޯޓްކުރުމަކީ، އެރަށު އެއާޕޯޓް މަޝްރޫޢު ހުއްޓުވަންޖެހޭ ސަބަބެއް ނޫންކަމަށް އެމްޑީޕީގެ ރައީސް އަދި ކުރީގެ ފޮރިން މިނިސްޓަރ ޢަބްދުﷲ ޝާހިދު ވިދާޅުވެއްޖެއެވެ.

މަގޫދޫ އެއާޕޯޓް މައްސަލާގައި އަދުގެ ސަރުކާރުން ކަންކަން ކުރައްވަމުންގެންދަވާ ގޮތާއި ގުޅޭގޮތުން އެކްސްގައި މިއަދު ކުރެއްވި ޕޯސްޓެއްގައި ޝާހިދު ވަނީ މަގޫދޫ އެއާޕޯޓް މައްސަލާގައި ސަރުކާރަށް ވަރަށްބޮޑަށް ފާޑުވިދާޅުވެފައެވެ. ޝާހިދުގެ ޕޯސްޓްގައި ވިދާޅުވެފައިވަނީ، ފ. މަގޫދޫއަކީ އެމް.ޑީ.ޕީ ގެ ކިއްލާއަކަށްވުމުން އެ ރައްޔިތުންގެ އެއަރޕޯޓް މަޝްރޫޢު ހުއްޓުވަން ނުޖެހޭ ކަމަށެވެ. ޝާހިދު ވިދާޅުވީ، ނަތީޖާ ނެރުމަކީ ތަފާތު ޚިޔާލު ކަސްތޮޅު އަޅުވާ ފަހަތަށް ސޮއްސާލަން މަސައްކަތް ކުރުމެއް ނޫންކަމަށެވެ. 

އެގޮތުން ޝާހިދު ވަނީ، ހިޔާލުފާޅުކުރުމާއި، ފިކުރީ މިނިވަންކަމުން ވަޒީފާއިން ވަކިކޮށް، ޖަމާޢީ ތާޢީދު ދަށްވުމުން ތަރައްޤީން ރައްޔިތުން ބާކީ ނުކުރުމަށް ސަރުކާރަށް އިލްތިމާސްކުރައްވާފައެވެ.

Advertisement

ފ.މަގޫދޫ އެއާޕޯޓްގެ މަސައްކަތް ލަސްވަމުންދާ މައްސަލާގައި އެރަށުގެ ރައްޔިތުންވަނީ ކަންބޮޑުވުން ފާޅުކޮށްފައިވާއިރު، އަދުގެ ސަރުކާރުން ވަނީ ފ.ނިލަންދޫގައިވެސް އެއާޕޯޓެއް އެޅުމުގެ މަސައްކަތް ކުރިއަށްގެންދަން ނިންމާފައެވެ. މިކަމާ ގުޅޭގޮތުން އިމާރާތްކުރުމާއި ބިނާރާއި ބެހޭ ވަޒީރު ޑރ.ޢަބްދުالله މުއްޠަލިބް ވަނީ ފ.މަގޫދޫ އާއި ފ.ނިލަންދޫ އެއާޕޯޓު ކައިރިކައިރީގައި އޮތުމުން ގެއްލުމެއް ލިބޭނެކަމަށް ފެނިވަޑައިނުގަންނަވާކަމަށް ވިދާޅުވެފައެވެ. 

މަގޫދޫ އެއާޕޯޓް.. ފޮޓޯ: އެމްޓީސީސީ

މަގޫދޫ އެއާޕޯޓުގެ 75 ޕަސެންޓް މަސައްކަތް މިހާރު ވަނީ ނިމިފައެވެ. މިނިސްޓަރު ވިދާޅުވެފައިވަނީ މަގޫދޫ އެއާޕޯޓްގެ މަޝްރޫއު ހުއްޓާލުމަކީ ރައްޔިތުންނަށް ވެސް އަދި އެ ސަރަހައްދުގައި ހުރި ރިސޯޓްތަކަށް ވެސް ފައިދާވާނެ ކަމެއް ނޫންކަމަށެވެ.

އެހެންނަމަވެސް އިންވެސްޓަރުންވެސް މުސްތަގުބަލުގައި އެ ސަރަހައްދުގައި އިންޓަނޭޝަނަލް އެއާޕޯޓެއް ބޭނުންވާކަން ފާހަގަކުރައްވަމުން ވަޒީރު މުއްޠަލިބް ވިދާޅުވެފައިވަނީ މަގޫދޫ އެއާޕޯޓުގެ އިތުރުން، ނިލަންދޫގައި އެއާޕޯޓެއް އެޅުމުން ލިބޭނެ ގެއްލުމެއް އޮތް ކަމަށް ފެނިވަޑައިނުގަންނަވާ ކަމަށެވެ.