ހުޅުމާލެ 1 ގެ ވިލާ ޕެޓްރޯލް ޝެޑް ކައިރީގައި ހުންނަ އޮރެންޖު ހިޔާއަށް ދެވޭނެ ހާއްސަ ބަސް ރޫޓެއް އެމްޓީސީސީއިން ޤާއިމްކޮށްފި އެވެ.
އެމްޓީސީސީ އިން ބުނީ، މިހާރު ހުޅުމާލޭގެ އެތެރޭގެ ހުރިހާ ދަތުރެއްގައި ވެސް އޮރެންޖު ހިޔާއަށް މަޑުކުރާނެ ކަމަށާއި މާލެއިން އޮރެންޖު ހިޔާއަށް ދާނީ އާރް15 ރޫޓުން ކަމަށެވެ.
އަދި މިއަދު މެންދުރު 1:30 އިން ފެށިގެން އެ ދަތުރުތައް ފަށާފައިވާ ކަންވެސް ފާހަގަކޮށްފައިވެއެވެ.
ތެލަސީމިއާ ސެންޓަރުގެ ހިދުމަތް ބުރާސްފަތި ދުވަހުން ފެށިގެން އޮރެންޖު ހިޔާއިން ދޭން ނިންމާފައިވާއިރު، އެމްޓީސީސީއިން ބުނި ގޮތިގައި، އައު ބަސްރޫޓެއް ހެދީ ތެލެސީމިއާ ކުދިންނަށް މިހާރަށް ވުރެ ފަސޭހައިން އެތަނަށް ދެވޭނެ ގޮތް ހެދުމަށެވެ.
ތެލެސީމިއާ ޗެންޓަރުގެ މަސައްކަތް، ޤައުމީ ކަމެއްގެ ގޮތުގައި ކުރިއަށްގެންދިއުމަށް ސިފައިންނާ ހަވާލުކުރީ މާޗް މަހުގެ 28 ވަނަ ދުވަހުގައެވެ. އަދި އެތަނުގެ މަސައްކަތް ނިންމައި ހުޅުވަން ނިންމާފައިވަނީ ދުނިޔޭގެ ތެލެސީމިއާ ދުވަސްކަމުގައިވާ، މެއި މަހުގެ 8 ވަނަ ދުވަހުއެވެ.
Advertisement
This content is created and paid for by advertisers and does not involve Voice Journalists
