މަރުކަޒީ ބޭންކް، އެމްއެމްއޭގެ ޑެޕިއުޓީ ގަވަރުނަރުކަމުގެ މަގާމަށް އެ ބޭންކުގެ މެނޭޖިން ޑިރެކްޓަރު ކަމުގެ މަގާމުގައި ހުންނެވި އައިޝަތު އަސްނާ ހަމްދު ހަމަޖައްސަން ރައްޔިތުންގެ މަޖިލީހަށް ފޮނުވާފައިވާ މައްސަލާ ގައި އެ މަގާމަށް އޭނާ އައްޔަނު ކުރަން ފެންނަ ކަމަށް ކޮމެޓީން ނިންމައިފި އެވެ.

މާލިއްޔަތު ކޮމިޓީގެ މިއަދުގެ ބައްދަލްވުމަށް އަސްނާ ހާޒިރުކޮށް ވަނީ އިންޓަވިއު ކޮށްފަ އެވެ. އަދި ކޮމެޓީ މެންބަރުންގެ މެދުގައި މަޝްވަރާކޮށް އެ ކޮމެޓީން ނިންމާފައި ވަނީ އަސްނާ އެ މަގާމަށް އައްޔަނު ކުރަން ފެންނަ ކަމަށެވެ.

އަސްނާ އެމްއެމްއޭގައި ހިދުމަތް ކުރައްވާތާ 15 ވަރަކަށް އަހަރު ވެފައިވާއިރު، މިވަގުތު އޭނާ ހުންނެވީ މާލީ އިދާރާ ކުރިއެރުވުމާ ގުޅޭ އެމްއެމްއޭގެ ޑިޕާޓްމަންޓުގެ ވެރިޔާގެ ގޮތުގަ އެވެ. އޭނާ އެ މަގާމަށް ހަމަޖެއްސެވީ ގަވަރުނަރުގެ މަގާމަށް މުނައްވަރު ވަޑައިގެން މިދިޔަ ނޮވެމްބަރު މަހު ގެންނެވި ބަދަލުތަކުގެ ތެރެއިންނެވެ. 

Advertisement

ޑެޕިޔުޓީ ގަވަރުނަރުގެ މަގާމަށް އަސްނާ ހަމަޖައްސަން އެދި ފޮނުވީ އެ މަގާމުގައި ކުރިން ހުންނެވި އަހުމަދު އިމާދު އިސްތިއުފާ ދެއްވުމުންނެވެ. އިމާދު އިސްތިއުފާ ދެއްވީ އޭނާ އެ މަގާމުން ވަކި ކުރުމުގެ މަސައްކަތް ފަށާފައިވަނިކޮށެވެ.

އިމާދު މަގާމުން އިސްތިއުފާ ދެއްވީ މިދިޔަ މާޗު މަހުގެ 17 ވަނަ ދުވަހުއެވެ.