ބޭނުންފުޅު ވަނީ ރާއްޖެ އަކީ މައުލޫމާތު ފަސޭހައިން ލިބޭ ގައުމަށް ވުމާއެކު ޕްރެސް ފްރީޑަމް އިންޑެކްސް ގައި ރާއްޖެ އެތައް ދަރަޖައެއް މަތިވުން ކަމުގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެ އެވެ.
މޯލްޑިވްސް 2.0 ސަމިޓް އިފްތިތާހުކުރުމަށް މިރޭ ނަސަންދުރާ ބާސެލޯސް އޮތް ރަސްމިއްޔާތުގައި ވާހަކަފުޅު ދައްކަވަމުން ރައީސް ވިދާޅުވީ އެ މަޝްރޫއު އަކީ ރާއްޖެ އަކީ ވަރަށް ބޮޑަށް ހުޅުވިފައިވާ މައުލޫމާތު ފަސޭހައިން ލިބޭ ގައުމަކަށް ހެދުމުގެ އުންމީދުގައި ފެއްޓެވި މަޝްރޫއުއެއް ކަމަށެވެ.
އަދި ރާއްޖެއަކީ ޒިންމާދާރު ކަމާ އެކީ ހިދުމަތްދޭ ވަރަށް އަވަހަށް އަވަސް މިނުގައި ހިދުމަތްދޭ ގައުމަކަށްވުމުގެ އަޒުމުގައި ފެއްޓެވި މަޝްރޫއުއެއް ކަމުގައި ވިދާޅުވި އެވެ.
"އަޅުގަނޑުވެސް ބޭނުން ދިވެހިރާއްޖެ ވެސް އެތައް ދަރަޖައެއް މައްޗަށް ކުރިއަށް އޮތް އަހަރުތަކުގައި ގެންދަން. މައުލޫމާތު ހިއްސާކުރުމާއި މައުލޫމާތު ލިބި ދިނުމުގައި, ޕްރެސް ފްރީޑަމްގައި އެތައް ދަރަޖައެއް ރާއްޖެ ރަނގަޅު ކުރުމަށް މަތި ކުރަން އަޅުގަނޑު ބޭނުން," ރައީސް ވިދާޅުވި އެވެ.
މިރޭގެ ރަސްމިއްޔާތުގައި ރައީސް ބައިވެރިވެވަޑައިގަންނަވަނީ -- ފޮޓޯ: ރައީސް އޮފީސް
މިރޭ ފެށުނު މަޝްރޫއުއަށް އެންމެ ބޮޑު އެހީތެރިކަމެއް ވެދޭ އެސްޓޯނިއާ އަކީ ޕްރެސް ފްރީޑަމްގައި ދެ ވަނައަށް އޮތް ގައުމުކަމުގައި ފާހަގަކުރައްވައި ރައީސް ވިދާޅުވީ މިކަން ހާސިލު ކުރުމުގައިވެސް ޑިޖިޓަލައިޒޭޝަން ވަރަށް މުހިންމު ދައުރެއް އަދާކުރާ ކަމަށެވެ.
އަދި ދިވެހިރާއްޖެވެސް އެހަރުފަތާ ހިސާބަށް ގެންދިއުމަށް، މައުލޫމާތު ފޯރުކޮށްދިނުމުގައި އަދި މައުލޫމާތު ލިބިދިނުމުގައި ޒިންމާ ދާރުކޮށް އަވަސް މިނުގައި ހިދުމަތްދޭ ތަނަކަށް ހެދުމަށް ޑިޖިޓަލައިޒޭޝަންގެ ފުރިހަމަ ބޭނުންކުރުމަށް މަސައްކަތް ކުރައްވާނެ ކަމަށެވެ.
ރާއްޖެ ޑިޖިޓަލައިޒް ކުރުމުގެ އެންމެ މައިގަނޑު އެއް މަގްސަދަކީ މި ގައުމުން ކޮރަޕްޝަންގެ ވަބާ ނައްތާލުން ކަމުގައި ވެސް އެމަނިކުފާނު ވިދާޅުވި އެވެ.
Advertisement
This content is created and paid for by advertisers and does not involve Voice Journalists
