މައިންބަފައިން ކުދިންނާއެކު ހޭދަކުރާ އަގުހުރި ވަގުތުތަކާއި، ކުދިންނާއި ބާއްވާ ގާތް ގުޅުމަކީ، އެކުދިންގެ ސަހުސިއްޔަތު ބިނާކުރުމަށް އަސާސީ ދައުރެއް އަދާކުރާ ކަންކަންކަމުގައި އިޖްތިމާއީ އަދި ޢާއިލީ ތަރައްޤީއާ ބެހޭ ވަޒީރު ޑރ ޢައިޝަތު ޝިހާމް ވިދާޅުވެއްޖެ އެވެ.
އެކަމަނާ މިފަދައިން ވިދާޅުވެފައިވަނީ ކުޑަކުދިންގެ ދުވަހާއި ގުޅިގެން ދެއްވާފައިވާފައިވާ ޚާއްސަ މެސެޖެއްގައެވެ.
މިއަހަރުގެ ޤައުމީ ކުޑަކުދިންގެ ދުވަހުގެ ޝިއާރެއްގެ ގޮތުގައި ކަނޑައަޅާފައިވަނީ 'އުފާވެރި ވަގުތު، އުފާވެރި ގުޅުން، އުފާވެރި ކުދިން' އެވެ. މި ޝިއާރަށް އަލިއަޅުވާލައްވާ ވަޒީރު ވިދާޅުވީ، އުފާވެރި ވަގުތާއި، އުފާވެރި ގުޅުމުގެ ސަބަބުން ކުދިންނަކީ އަމިއްލަ ނަފްސަށް ޔަޤީންކަން އޮންނަ، ތަޢުލީމީ އިޖުތިމާޢީ އަދި ނަފްސާނީގޮތުން ކުރިއަރާފައިވާ ކުދިންނަށް ވެގެންދޭކަމަށެވެ. މިފަދަ ކުދިން ވެގެންދަނީ ދިރިއުޅުމާމެދު ހެޔޮގޮތަށް ދެކޭ، ހަރުދަނާ ދިރިއުޅުމެއް އުޅުމަށް ބޭނުންވާ ހުނަރުތައް ލިބިފައިވާ، މުޖުތަމަޢަށް ނަފާކުރަނިވި ކުދިންނަށްވުމަށް މަގުފަހިކޮށްދޭކަމަކަށެވެ.
މައިންބަފައިން ކުދިންނާއެކު ހޭދަކުރާ އަގުހުރި ވަގުތުތަކުގެ ތެރެއިން ކުދިންނަށް ލިބޭ ލޯތްބާއި އަޅައިލުމާއި ސަމާލުކަމަކީ ކުދިންގެ ޝަޚުސިއްޔަތު ބިނާވުމުގައި އަސާސީ ދައުރެއް އަދާކުރާ ކަންކަން
މިނިސްޓަރު ވިދާޅުވިއެވެ
އޭގެ އިތުރުން ދަރިންނާއި މައިންބަފައިންގެ މެދުގައި އޮންނަ ހަރުދަނާ ލޮބުވެތި ގުޅުމުގެ ސަބަބުން ކުދިންނަށް ލިބޭ އަޅާލުމާއި، އެހީތެރިކަމާ ހިތްވަރަކީ ކުދިންގެ އިޖްތިމާއީ އަދި ނަފްސާނީ ދުޅަހެޔޮކަމަށް މުހިންމު ކަންކަމުގެ ގޮތުގައި އެކަމަނާގެ މެސުގައި ވަނީ ފާހަގަކުރައްވާފައެވެ.
ވަޒީރު ޑރ ޢައިޝަތު ޝިހާމް ވަނީ ކުޑަކުދިންގެ ސަލާމަތާއި ރައްކާތެރިކަން ކަށަވަރުކުރުމަށް މުޖުތަމައުގެ އެކި ފަރާތްތަކުން ގުޅިގެން މަސައްކަތްކުރައްވަމުން ގެންދަވާކަން ފާހަގަކުރައްވާ އެފަރާތްތަކަށް ޝުކުރުއަދާކުރައްވާފަ އެވެ. އަދި މިހާރު ކުރެވެމުންދާ މަސައްކަތް އިތުރަށް ހަރުދަނާކޮށް ފުޅާކުރުމަށް އެންމެން ވެސް ސާބިތުކަމާއެކު މަސައްކަތްކޮށްދެއްވުމަށް އިލްތިމާސްކުރައްވާފަ އެވެ.
Advertisement
This content is created and paid for by advertisers and does not involve Voice Journalists
