ކާޅާއި ވާލާއެކު އުޅެން ދަސްކުރަންޖެހޭ ކަމަށް ދިރޭތަކެއްޗާ ބެހޭ ވުޒާރާގެ ވަޒީރު ޑރ މަރިޔަމް މާރިޔާ ވިދާޅުވެއްޖެއެވެ.
މަޖިލީހުގެ މިއަދުގެ ޖަލްސާގައި މެންބަރަކު ކުރެއްވި ސުވާލަށް ޖަވާބު ދެއްވަމުން މާރިޔާ ވިދާޅުވީ، ކާޅާއި ވާ ދިރިއުޅެމުންދާ ތަން އިންސާނުންގެ ޢަމަލުތަކުގެ ސަބަބުން ކޮންމެވެސް ވަރަކަށް މިހާރު ހަލާކުވެފައިވާ ކަމަށެވެ. އޭގެ ސަބަބުން އެ އެއްޗެހި އަހަރެމެންގެ ގޭގޭގެ ގަހުގަހުގައި ހުންނަ މޭވާތައް ކައިބޮއި ހަދާ ކަމަށް ވަޒީރު ވިދާޅުވިއެވެ.
”މީގެ ދޭހަވަނީ އަޅުގަނޑުމެން ދިރޭ ތަކެތީގެ މާހައުލު ރައްކާތެރިކޮށް ނުބަލަހައްޓަންޏާ، އެ އެއްޗެހިވެސް ދާނެ ތަނެއް ހޯދަންޖެހެއޭ. މިކަހަލަ ކަންކަމާހުރެ އަޅުގަނޑުމެން މި ދަންނަވަނީ ކާޅާއި ވާލުގެ ހެބިޓެޓް ރައްކާތެރިކުރަންޖެހެއޭ.“ ވަޒީރު ވިދާޅުވިއެވެ.
އެންވަޔަމަންޓް މިނިސްޓްރީއާއި، އީޕީއޭ އާއި ދުނިޔޭގެ އެކި އެންވަޔަމެންޓަލް ޖަމިއްޔާތަކުންވެސް އަޅުގަނޑުމެންނަށް ލަފާ ދެއްވަނީ މި ދޫނި ސޫފާސޫްތްޕާ އެކު އުޅެން ދަސްކުރަން
ޑރ. މަރިޔަމް މާރިޔާ
މާރިޔާ އިތުރަށް ވިދާޅުވީ، ރާއްޖޭގެ ރަށްރަށުގައި އުޅޭ ކާޅުގެ ބަދަލުގައި އައްޑުއަތޮޅުގައި ދިރިއުޅޭ ޚާއްސަ ދޫނި ހިމާޔަތް ކުރުމަށް ގިނަ މަސައްކަތްތަކެއް ކުރަންޖެހޭ ކަމަށެވެ. އެކަމަށްޓަކައި އެންވަޔަމަންޓް މިނިސްޓްރީއާއި އީޕީއޭއާއެކުވެސް މަޝްވަރާ ކުރައްވާފައިވާ ކަމަށާ، އެކަމަށް ވަރަށް އަވަހަށް ހައްލެއް ހޯއްދަވާނެ ކަމަށް ވަޒީރު ވިދާޅުވިއެވެ.
މާރިޔާ ވިދާޅުވީ، ސަރުކާރުން މަސައްކަތް ކުރަނީ ދޫނިސޫފާ ސޫފި މަރައިގެން މައްސަލަތައް ހައްލުކުރަން ނޫން ކަމަށެވެ. އޭގެ ބަދަލުގައި ”އެއާއެކު އުޅެ، އެއަށްވެސް އުޅެން ދަސްކޮށްދީގެން“ ކަންކަން ކުރައްވަން މަސައްކަތް ކުރައްވާ ކަމަށެވެ.
މިހެން ބުނީމާ ތިބޭފުޅުން ވިދާޅުވެދާނެ ކިހިނެއްތޯއޭ ދަސްކޮށްދޭނީ އުޅެން؟ އޭގައިވެސް ގިނަ އުކުޅުތަކެއް ހުރޭ. އޭގައިވެސް އުކުޅުތައް ހުރޭ. ފުރަތަމަ ކަމަކަށް ގަސް އިންދުން އިތުރު ކުރުން.
ޑރ މަރިޔަމް މާރިޔާ
މާރިޔާ ވިދާޅުވީ ދިރިއުޅޭނެ މާހައުލު ނެތުމުން ރާއްޖޭގައިވެސް ބައެއް ޖަނަވާރާއި ދޫނި ސޫފާ ސޫފި ނެތިގެން ހިނގައިގޮސްފައިވާ ކަމަށެވެ.
Advertisement
This content is created and paid for by advertisers and does not involve Voice Journalists
