ހުޅުމާލޭގައި ކުޑަކުއްޖަކު އުރައިގެން ދިޔަ އަންހެނެއްގެ ގައިގައި ސައިކަލުން ޖެހި އެކްސިޑެންޓެއް ހިނގައިފިއެވެ.
ފުލުހުން ބުނީ، ހުޅުމާލޭ ނިރޮޅުމަގުުގައި މިއަދު ހެނދުނު 9:23 އެހާކަށްހާއިރު ކުޑަކުއްޖަކު އުރައިގެން މަގު ހުރަސްކުރި މީހެއްގެ ގައިގައި ސައިކަލަކުން ޖެހި އެކްސިޑެންޓެއް ހިނގައިގެން ފުލުހުންނަށް ރިޕޯޓް ކޮށްފައިވާ ކަމަށެވެ.
މި އެކްސިޑެންޓުގައި ސައިކަލު ދުއްވި މީހާގެ ވާ އަތު ކޮނޑު ހުޅުން ބިންދައިގެން ގޮސް، ކަނާތު ފައިތިލަ މަތި މަށައިގެން ގޮސްފައިވާއިރު، މަގު ހުރަސްކުރި އަންހެން މީހާގެ ވާ އަތު އުޅަނބޮށި މަށައިގެން ގޮސްފައިވާ ކަމަށް ބުންޏެވެ.
މީގެ އިތުރުން، އެ އަންހެން މީހާ އުރައިގެން ދިޔަ 1 އަހަރާއި 8 މަސްވެފައިވާ ކުޑަކުއްޖާ ބޯ ދުޅަވެފައިވާކަމަށްވެސް ފުލުހުން ބުނެފައިވެއެވެ.
މި ހާދިސާގައި ޒަޚަމްވި ދެ މީހުންނާއި ކުޑަކުއްޖާ އަވަސް ފަރުވާ ދިނުމަށްޓަކައި ހުޅުމާލެ ހޮސްޕިޓަލަށް ގެންގޮސްފައިވާކަމަށް ފުލުހުން މަޢުލޫމާތު ދީފައިވެއެވެ.
މި މައްސަލައާ ގުޅިގެން ފުލުހުން ދަނީ ތަޙުޤީޤު ކުރަމުންނެވެ.
Advertisement
This content is created and paid for by advertisers and does not involve Voice Journalists
