ހެންވޭރު ގެއެއްގެ ފުރާޅު މައްޗަށް ހައްވާ ޔުމްނު ނަމަކަށް ކިޔާ އަންހެނަކު ވެއްޓިފައި އޮއްވާ ފެނުނު މައްސަލައިގައި ހައްޔަރު ކުރި ރައުދު އަހުމަދު ޒިލާލް ދޫކޮށްލުމަށް ފަހު އަލުން ހައްޔަރުކޮށް ބަންދަށް މުއްދަތު ޖަހަން ހާޒިރުުކުރުމުން ބަންދަށް މުއްދަތު ދީފި އެވެ.

ހ. މިޓާޒް ގޭގެ ފުރާޅު މައްޗަށް އަންހެނަކު ވެއްޓުނު މައްސަލައާ ގުޅިގެން ހައްޔަރު ކުރި ރައުދު އަހްމަދު ޒިލާލް ބަންދުގައި ގެންގުޅޭތާ ދުވަސްތަކެއް ފަހުން, ފުރިހަމަ ކުރަންޖެހޭ އިޖުރާއަތުތަކެއް ހުރުމުން ކަމަށް އިއްޔެ ހެނދުނު ވަނީ ދޫކޮށްލާފަ އެވެ. އަދި ފަހުން އާ އަމުރެއް ހޯދުމަށް ފަހު އިއްޔެ ހަވީރު ވަނީ އަލުން ހައްޔަރު ކޮށްފަ އެވެ.

ފުލުހުން ދެންމެ ބުނީ އޭނާގެ ބަންދަށް މުއްދަތު ޖަހަން ކޯޓަށް ހާޒިރުކުރުމުން ފަސް ދުވަހުގެ ބަންދުގެ މުއްދަތެއް ދީފައިވާ ކަމަށެވެ.

ރައުދު އިއްޔެ ދޫކޮށްލި ނަމަވެސް އެކަން ފުލުހުން އިސްވެ ހާމައެެއް ނުކުރެ އެވެ. އެކަން ހާމަވީ ހައިކޯޓަށް، ރައުދުގެ ފަރާތުން ހުށައަޅާފައިވާ މައްސަލަ ބާތިލުކޮށްދޭން އެދުމުން އެ މައްސަލަ ބާތިލުކޮށް ހައިކޯޓުން ނިންމި ނިންމުން އާންމުވުމުންނެވެ. 

ޔުމްނު ވެއްޓުނު މައްސަލާގައި ރައުދު ހައްޔަރުކުރީ މިދިޔަ މަހުގެ 24ވަނަ ދުވަހުގެ ރޭ 18:20ގަ އެވެ.