އައު މާސްޓާ ޕްލޭނަކީ ބިންވެރިޔާ ސްކީމުގެ އެންމެ ގޯއްޗެއްވެސް މަދުނުވާގޮތަށް ބަނދަރުގެ ޖާގަ ބޮޑުވާނެގޮތެއް: މަޢުރޫފް
ހުޅުމާލޭގެ މާސްޓަރ ޕްލޭން ރިވައިޒްކޮށްފައިވަނީ ރައީސް ޑރ މުޙައްމަދު މުޢިއްޒުގެ އިރުޝާދާއިއެކު ބިންވެރިޔާ ސްކީމުން ދޫކުރި ގޯތިން އެންމެ ގޯއްޗެއްވެސް މަދުނުވާގޮތައް ބަނދަރުގެ ޖާގަ ބޮޑުވާނެގޮތަށް ކަމަށް އެޗްޑީސީގެ މެނޭޖިންގ ޑިރެކްޓަރ މުހައްމަދު މައުރޫފް ޖަމީލް ވިދާޅުވެއްޖެއެވެ.
މީގެ 24 އަހަރު ކުރިން އެކުލަވާލި ހުޅުމާލޭގެ މާސްޓާ ޕްލޭން މުރާޖާ ކުރުމަށްފަހު އެކުލަވާލެވުނު އައު މާސްޓާ ޕްލޭން މިއަދު ވަނީ އިފްތިތާހް ކޮށްފައެވެ.
އެކަމަށް ޚާއްސަކޮށް މިއަދު ބޭއްވުނު ރަސްމިއްޔާތުގައި ވާހަކަ ދައްކަވަމުން މައުރޫފް ވިދާޅުވީ، ރައީސް މުޢިއްޒުގެ ވިސްނުންފުޅާއެކު ހުޅުމާލޭ ކޮޅުގައި އިން އިންޓަނޭޝަނަލް ފައިނޭންޝަލް ސެންޓަރެއް ހެދުމުގެ މަސައްކަތް ފަށާފައިވާކަމަށެވެ. އަދި އައު ޕްލޭނާއެކު ހުޅުމާލެ އަކީ ރާއްޖޭގެ ފައިނޭންޝިއަލް ކެޕިޓަލެއްގެ ގޮތުގައި ތަރައްޤީ ކުރުމުގެ ފުރުސަތު ވެސް ފަހިވެގެން ގޮސްފައިވާ ކަމަަށް ވިދާޅުވިއެވެ.
މައުރޫފް އިތުރަށް ވިދާޅުވީ އައު މާސްޓާ ޕްލޭނެއް އެކުލަވައިލެވުމުގެ ބޭނުމަކީ ހުޅުމާލޭގެ ބިމުގެ ބޮޑުބައެއް ހިއްކުމުގެ ސަބަބުން ބަނދަރުގެ ޖާގަ ”ކޮމްޕްރޮމައިޒް“ ވުމުން ކަމަށެވެ.
"ހުޅުމަލޭގެ މާސްޓަރ ޕްލޭން ރިވައިޒްކުރަން ޖެހުނު އެއް ސަބަބަކީ ހުޅުމާލޭގެ ބަނދަރުގެ ބޮޑުބައެއް ހިއްކައި ބަނދަރުގެ ސްޕޭސް މިއޮތީ ވަރަށް ބޮޑަށް ކޮންޕްރޮމައިޒްވެފައި. ރަށެއްގެ ބަނދަރީ އެރަށަކަށް އެންމެ މުހިންމު އެއް ބައި. ބަނދަރެއް ނެތި އެހެން ވަސީލަތްތަކެއް ރަނގަޅަކަށް ނުހިނގާނެ. އަޅުގަނޑުމެން މިހާރު މި މަސައްކަތްކުރަނީ އިއްޒަތްތެރި ރައީސް އިރުޝާދު ދެއްވިގޮތައް ބިންވެރިޔާ ގޯތިން އެންމެ ގޯއްޗެއްވެސް މަދުނުވާގޮތައް ބަނދަރުގެ ޖާގަ ބޮޑުކުރެވޭ ވަރަކަށް ބޮޑުކުރުމުގެ މަސައްކަތް. މިހާރު ރިވައިޒްޑް މާސްޓަރ ޕްލޭންގެ ހޯލް މަފްހޫމަކީ އެއީ."
މުހައްމަދު މައުރޫފް ޖަމީލް
މިއާއެކު މަޢުރޫފް ވިދާޅުވީ، މި މާސްޓަރ ޕްލޭން ފައިނަލް ކުރުމުގެ ކުރިން ސްޓޭކްހޯލްޑަރުންނާއި ޕަބްލިކް ކޮންސަލްޓޭޝަންއެއްގެ މަސައްކަތް ކުރިއަށްގެންދާނެކަމަށާ، މާސްޓަރ ޕްލޭން ފައިނަލްކޮށް ޑޮކިއުމަންޓް ކުރެވިގެންދާނީ އެއަށްފަހުގައި ކަމަށެވެ.
މި ރަސްމިއްޔާތުގައި އެޗްޑީސީގެ ރަސްމީ ވެބްސައިޓްވެސް އުފްތިތާހްކޮށްފައި ވާއިރު މައުރޫފް ވިދާޅުވި ގޮތިލޔގައި، އައު ވެބްސައިޓާއިއެކު އެ ކުންފުނީގެ ހިންގުން އިތުރަށް ހަރުދަނާވެގެންދާނެއެވެ.
"މިއަދު މި ލޯންޗްކުރާ ވެބްސައިޓް މެދުވެރިކޮށް އެޗްޑީސީގެ ހިންގުމުގެ ނިޒާމް ބޮޑުތަނުން ހަރުދަނާވާނެކަމަށް އަޅުގަނޑު އުންމީދުކުރަން. އައު ވެބްސައިޓްގައި ހިމެނޭ މުހިންމު ފީޗާރތަކަކީ ވިސަލް ބްލޯވާސްއަށް ޚާއްސަ ޕޯޓަލްއެއް ހިމެނިފައި އޮތުން. ވިސަލް ބްލޯވާސްއަށް ބައިވެރިވުން ފަސޭހަވާނެގޮތައް ޕޯޓަލްއެއް އޮތުން. ކޯޑް އޮފް ކޮންޑަކްޓްއަށް އަޅުގަނޑުމެން އައު ބާބެއް ކަނޑައެޅުން. ކޯޑް އޮފް ކޮންޑަކްޓްގެ ތެރޭގައި ހުޅުމާލޭގެ ޕާޓްނާސްއަށްވެސް ކޮންޑަކްޓެއް ތައާރަފްކުރުން." މުހައްމަދު މައުރޫފް ޖަމީލް ވިދާޅުވިއެވެ.
Advertisement
This content is created and paid for by advertisers and does not involve Voice Journalists
