ހުސްވެފައިވާ ޕޮލިސް ކޮމިޝަނަރުގެ މަގާމަށް ތިން ބޭފުޅަކު ކުރިމަތިލައްވައިފިއެވެ.

ކޮމިޝަނަރ އޮފް ޕޮލިސްގެ މަގާމު ހުސްވީ، އެ މަގާމުގައި ހުންނެވި އަލީ ޝުޖާއު މިދިޔަ އޭޕްރީމް މަހުގެ 26ގައި އިސްތިއުފާ ދެއްވުމާ ގުޅިގެންނެވެ. 

އަދި އެ މަގާމަށް ކުރިމަތިލުމުގެ ފުރުސަތު ދާޚިލީ ވުޒާރާއިން ހުޅުވައިލީ، މިދިޔަ އަންގާރަ ދުވަހުއެވެ. މަގާމަށް ކުރިމަތިލުމުގެ ވަގުތު މިއަދު 12:00 ގައި ހަމަވެފައިވާއިރު، މި ވަގުތު ހަމަވީއިރު މަގާމަށް ކުރިމަތި ލައްވާފައިވަނީ؛

1) މިހާރު ވަގުތީގޮތުން ފުލުހުންގެ އިދާރާ ހިންގުމާ ހަވާލުވެ ހުންނެވި ޑެޕިއުޓީ ކޮމިޝަނާ އޮފް ޕޮލިސް އިސްމާއީލް ނަވީން

2) ޑެޕިއުޓީ ކޮމިޝަނާ އޮފް ޕޮލިސް ފަރުހާދު ފިކުރީ

3) ސައުތު ޕޮލިސް ކޮމާންޑަރު އެސިސްޓެންޓް ކޮމިޝަނަރު އަހްމަދު ޝަމީމް

އެބޭފުޅުންގެ ތެރެއިން ޕޮލިސް ކޮމިޝަނަރުގެ މަގާމަށް ބޭފުޅަކު ކަނޑައެޅުމުގެ ކުރިން، ޕޮލިސް ބޯޑުން އިންޓަވިއުކުރާނެއެވެ. އެއަށް ފަހު ކޮމިޝަނަރަކު އައްޔަން ކުރާނީ ބޯޑުން ދާޚިލީ ވަޒީރަށް ހުށަހަޅާ ނަންތަކުގެ ތެރެއިން، ވަޒީރު ދެއްވާ ލަފަޔާއެކު ރައީސުލްޖުމްހޫރިއްޔާއެވެ.