ނިމިދިޔަ މެއި މަހު ފުލުހުންނަށް ހުށަހަޅާފައިވާ މައްސަލަތައް 1000 އިން މައްޗަށް އަރާފައިވާ ކަމަށް ތަފާސް ހިސާބުތަކުން ދައްކައިފިއެވެ.

ފުލުހުން އާއްމު ކޮށްފައިވާ މެއި މަހުގެ ތަފާސްހިސާބުތަކުން ދައްކާ ގޮތުން އޭޕްރީލް މަހާ އަޅާބަލާއިރު މެއި މަހު ހުށަހެޅި މައްސަލަތަކުގެ އަދަދު ވަނީ އިތުރުވެފައެވެ. އެގޮތުން މެއި މަހު ފުލުހުންނަށް ޖުމްލަ 1،020 މައްސަލައެއް ހުށައެޅިއިރު، އޭޕްރީލް މަހު ހުށަހަޅާފައިވަނީ 738 މައްސަލައެވެ.

މެއި މަހު އެންމެ ގިނައިން ފުލުހުންނަށް ހުށަހަޅާފައިވަނީ ވައްކަމުގެ މައްސަލަކަތެވެ. އެގޮތުން ވައްކަމުގެ 320 މައްސަލަ ވަނީ ހުށަހަޅާފައެވެ. ދެވަނައަށް އެންމެ ގިނައިން ޓްރެފިކް އެކްސިޑެންޓްތަކުގެ މައްސަލަތައް ހުށަހެޅިފައިވާއިރު އެފަދަ 268 މައްސަލަ ހުށަހަޅާފައިވެއެވެ.

މެއި މަހު ފުލުހުންނަށް ހުށަހަޅާފައިވާ މައްސަލަތައް:

• ވައްކަމުގެ 320 މައްސަލަ

• ޓްރެފިކް އެކްސިޑެންޓްގެ 268 މައްސަލަ

• މަސްތުވާތަކެއްޗާ ގުޅޭ 177 މައްސަލަ

• އެއްޗެތި ގެއްލިގެން 70 މައްސަލަ

• މުދަލަށް ގެއްލުން ދިނުމުގެ 48 މައްސަލަ

• އަނިޔާގެ 54 މައްސަލަ

• ގެވެށި އަނިޔާގެ 16 މައްސަލަ

• ޖިންސީ ގޯނާ ކުރުމުގެ 24 މައްސަލަ

• ފޭރުމުގެ 20 މައްސަލަ

• ޚިޔާނަތުގެ 19 މައްސަލަ

• ފޯޖް ކުރުމުގެ 4 މައްސަލަ