މޯލްޑިވްސް ކަރެކްޝަނަލް ސާވިސް (އެމްސީއެސް) ގެ މާފުށީ ޖަލުގައި ހުކުމް ތަންފީޒު ކުރަމުންދާ ގައިދީންނަށް ހާއްސަކޮށް “އިންމޭޓްސް ފުޓްސަލް ޓޯނަމަންޓް” އެއް ބާއްވައިފި އެވެ.

މިއީ ގައިދީންނަށް ހާއްސަކޮށްގެން މިފަދަ މުބާރާތެއް ބޭއްވި ފުރަތަމަ ފަހަރެވެ. ކަރެކްޝަނުން ބުނީ މިއީ ގައިދީން ދުޅަހެޔޮ ސިއްހަތެއްގައި ބޭއްތިއްބުމަށާއި، ކުޅިވަރުގެ ތެރެއިން އެ މީހުން ރިހެބިލިޓޭޓްކުރުމަށް ރާވައިގެން ހިންގާ ޕޮރޮގްރާމްތަކާ ގުޅުވައިގެން ބޭއްވި މުބާރާތެއް ކަމަށެވެ.

މިމުބާރާތުގެ ފައިނަލް މެޗަށް ފަހު، ފެއާ ޕްލޭ ޓީމަށް ހޮވުނު ޓީމާއެކު ދައުލަތުގެ ވަޒީރުންނާއި އިސްބޭފުޅުން ހިމެނޭ ގޮތަށް މެޗެއް ކުޅެފައިވެ އެވެ. މި މެޗްގައި ބައެއް ވަޒީރުންނާއި ސަރުކާރުގެ އެކި ފެންވަރުގެ ބޭފުޅުން ކުޅުއްވި އެވެ.

* އެޓާނީ ޖެނެރަލް އަހްމަދު އުޝާމް

* މިނިސްޓާ އޮފް ހޮމްލޭންޑް ސެކިއުރިޓީ އެންޑް ޓެކްނޮލޮޖީ އަލީ އިހްސާން

* މިނިސްޓާ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑް މުހައްމަދު ސަޢީދު

* މިނިސްޓާ އޮފް ފިޝަރީޒް އެންޑް އޯޝަން ރިސޯސަސް އަހްމަދު ޝިޔާމް

* މިނިސްޓާ އޮފް ހެލްތް އަބްދުﷲ ނާޒިމް

* ރައީސުލްޖުމްހޫރިއްޔާގެ އޮފީހުގެ ޗީފް އޮފް ސްޓާފް އަބްދުﷲ ފަޔާޒް

* ދަރުމަވަންތަ ހޮސްޕިޓަލުގެ ޗީފް އެގްޒެކެޓިވް އޮފިސަރު އިބްރާހީމް އަބްދުއްރައްޒާގް ހަލީމް